Adani Group Plan:గౌతమ్ అదానీ ఇప్పుడు ముఖేష్ అంబానీతో పోటీ పడుతున్నారు. ముఖేష్ అంబానీని ఢీకొట్టేందుకు గ్యాస్ రంగంలో రూ.20,000 కోట్ల పెట్టుబడులు పెట్టాలని అదానీ గ్రూప్ నిర్ణయించింది. అదానీ టోటల్ గ్యాస్ లిమిటెడ్ (ATGL) వచ్చే 10 సంవత్సరాలలో రూ. 18,000 కోట్ల నుండి రూ. 20,000 కోట్ల వరకు పెట్టుబడులు పెట్టనుంది. వాహనాల కోసం CNG రిటైల్ విక్రయం, గృహాలు, పరిశ్రమలకు పైపుల గ్యాస్‌ను విక్రయించడానికి మౌలిక సదుపాయాలను విస్తరించేందుకు ఒక నివేదిక వెళ్లనుంది.
దేశంలోని 124 జిల్లాల్లో వాహనాలకు CNGని రిటైల్ చేయడంతో పాటు, పైప్డ్ డొమెస్టిక్ వంట గ్యాస్‌ను కూడా కంపెనీ సరఫరా చేస్తుంది. ఇది దేశంలో 460 CNG స్టేషన్లను కలిగి ఉంది. పైప్డ్ వంటగ్యాస్ సుమారు ఏడు లక్షల మంది వినియోగదారులను కలిగి ఉంది. కొత్త వార్షిక నివేదిక ప్రకారం, కంపెనీ 2022-23 ఆర్థిక సంవత్సరంలో అదనపు మౌలిక సదుపాయాలను నిర్మించడంపై రూ. 1,150 కోట్లకు పైగా పెట్టుబడి పెట్టింది.
చదవండి:ATM Cardపై 16 అంకెల నంబ‌ర్ ఎందుకు ఉంటుందో తెలుసా?
కంపెనీ చీఫ్ ఫైనాన్షియల్ ఆఫీసర్ (CFO) పరాగ్ పారిఖ్ మాట్లాడుతూ.. సుదీర్ఘ కాలం వ్యాపార నిర్వాహణకు గ్యాస్ రంగంలో పెట్టుబడులు ఆశాజనకంగా ఉన్నట్లు భావించామన్నారు. ఇన్‌ఫ్రాస్ట్రక్చర్‌ను నిర్మించడంలో, నెట్‌వర్క్‌ని విస్తరించడంలో మరింత పెట్టుబడి పెట్టాలని కంపెనీ పరిశీలిస్తోంది. కంపెనీ తన సిటీ గ్యాస్ డిస్ట్రిబ్యూషన్ వ్యాపారం కోసం మౌలిక సదుపాయాలను నిర్మించడానికి రాబోయే 8 నుండి 10 సంవత్సరాలలో దాదాపు రూ.18,000-20,000 కోట్ల పెట్టుబడి పెట్టాలని భావిస్తోంది. ఇది కస్టమర్ బేస్‌ను విస్తృతం చేస్తూ ఆదాయంలో వృద్ధిని కూడా కొనసాగిస్తుంది.
ATGL చీఫ్ ఎగ్జిక్యూటివ్ ఆఫీసర్ (CEO) సురేష్ పి మంగళాని మాట్లాడుతూ స్టీల్ పైప్‌లైన్‌ల ఏర్పాటును వేగవంతం చేయడం, లైసెన్స్ పొందిన ప్రాంతాల్లో CNG స్టేషన్లను పెంచడం కంపెనీ వ్యూహమని చెప్పారు. వచ్చే 7 నుంచి 10 ఏళ్లలో దేశవ్యాప్తంగా 1,800కు పైగా CNG స్టేషన్లను కంపెనీ నిర్మించబోతోంది. తద్వారా గరిష్ట సంఖ్యలో వినియోగదారులకు CNG గ్యాస్‌ను అందుబాటులో ఉంచవచ్చు.
