Gautam Adani has scraped his way back into the world's top billionaires' list
Adani : వారంలోని మూడో ట్రేడింగ్ రోజున కూడా అదానీ గ్రూప్ షేర్లు భారీగా పుంజుకుంటున్నాయి. 10 కంపెనీల్లో 9 కంపెనీల షేర్లలో పెరుగుదల ఉంది. అదానీ గ్రీన్, అదానీ టోటల్ గ్యాస్ షేర్లలో 16 శాతం పెరుగుదల నమోదైంది. అదానీ ఎంటర్‌ప్రైజెస్, అదానీ పోర్ట్ సెజ్ షేర్లు 6 నుంచి 7 శాతం పెరిగాయి. విశేషమేమిటంటే అదానీ గ్రూప్ మార్కెట్ క్యాప్ కేవలం ఒక్క గంట వ్యవధిలోనే రూ.77 వేల కోట్లు పెరిగింది. దీంతో అదానీ గ్రూప్ మార్కెట్ క్యాప్ రూ.14.65 లక్షల కోట్లకు చేరుకుంది. కాగా, అదానీ ఎనర్జీ సొల్యూషన్స్, అదానీ పవర్, ఎన్డీటీవీ, అదానీ విల్మార్, అంబుజా సిమెంట్స్ 13 శాతం నుంచి 1.2 శాతం వరకు లాభపడ్డాయి. ఏసీసీ లిమిటెడ్‌ షేర్లు మాత్రమే క్షీణిస్తున్నాయి. అదానీ గ్రూప్ మార్కెట్ క్యాప్ రూ. 1.93 లక్షల కోట్లు పెరిగింది.
చదవండి:Amit Shah : నెహ్రూ పొరపాటు వల్లే పీవోకే వచ్చింది.. లేకపోతే భారత్ లో భాగమయ్యేది
హిందీ హార్ట్ ల్యాండ్ అయిన మూడు రాష్ట్రాలైన రాజస్థాన్, మధ్యప్రదేశ్, ఛత్తీస్‌గఢ్‌లలో బిజెపి విజయంతో ఈ పెరుగుదల ప్రారంభమైంది. ఆ తర్వాత, బ్లూమ్‌బెర్గ్ నివేదిక అదానీ గ్రూప్కు పెద్ద ఊరటనిచ్చింది, దీనిలో US ఇంటర్నేషనల్ డెవలప్‌మెంట్ ఫైనాన్స్ కార్పోరేషన్ (DFC) అధికారి హిండెన్‌బర్గ్ రీసెర్చ్ ఆరోపణలకు సంబంధం లేదని పేర్కొన్నట్లు పేర్కొంది. శ్రీలంకలో గ్రూప్ పోర్ట్ వ్యాపారం కోసం US ఏజెన్సీ ఇటీవల 553 మిలియన్ డాలర్ల నిధులను ప్రకటించింది.
చదవండి:DMK MP: గోమూత్ర రాష్ట్రాలు అన్నందకు క్షమాపణ!
మరోవైపు స్టాక్ మార్కెట్ ఈరోజు సరికొత్త రికార్డు స్థాయికి చేరుకుంది. బాంబే స్టాక్ ఎక్చేంజ్ ప్రధాన సూచీ సెన్సెక్స్ మధ్యాహ్నం 239.73 పాయింట్ల లాభంతో 69,535.87 పాయింట్ల వద్ద ట్రేడవుతోంది. ట్రేడింగ్ సెషన్‌లో సెన్సెక్స్ 69,673.83 పాయింట్లకు పెరిగింది. మార్కెట్ ఇలాగే పుంజుకుంటే మరికొద్ది రోజుల్లోనే సెన్సెక్స్ 70 వేల స్థాయిని దాటుతుంది. నేషనల్ స్టాక్ ఎక్స్ఛేంజ్ ప్రధాన సూచీ నిఫ్టీ 21 వేల పాయింట్లకు చేరువైంది. ప్రస్తుతం నిఫ్టీ 43.90 పాయింట్ల లాభంతో 20,899 పాయింట్ల వద్ద ట్రేడవుతోంది. ట్రేడింగ్ సెషన్‌లో నిఫ్టీ 20,958.65 పాయింట్ల సరికొత్త రికార్డు స్థాయికి చేరుకుంది.
