భారీ బడ్జెట్ చిత్రం అయిన ఈ ప్రాజెక్ట్ కె(Project K) నుంచి నిన్న ఓ పోస్టర్ విడుదల చేశారు. అది ఫ్యాన్స్ ఆనందపడతారు అనుకుంటే, సీన్ రివర్స్ అయ్యింది. చీప్ ఎడిటింగ్ అని కొందరు, ప్రభాస్ లుక్ బాలేదు అని మరి కొందరు, ఆ డ్రెస్ కి హెయిర్ స్టైల్ సెట్ అవ్వలేదని మరి కొందరు, ఇలా విమర్శిస్తూనే ఉన్నారు. అమీర్ పేటలో ఎడిటింగ్ నేర్చుకున్నవారు కూడా ఇంతకన్నా అద్భుతంగా చేయగలరు అని కొందరు కౌంటర్లు వేస్తుంటే, దీని కన్నా ఫ్యాన్ మేడ్ పోస్టర్లు బాగుంటాయి కదా అని మరి కొందరు అంటున్నారు. ఇక ఈ పోస్టర్ ఐరన్ మ్యాన్ ఫోజ్ ని కాపీ కొట్టినట్లు ఉందంటూ రెండు కలిసి పోస్ట్ చేసి మరీ ట్రోల్ చేస్తున్నారు.
ఈ ట్రోల్స్(trolls) చూస్తుంటే ఈ సినిమా కూడా పోయినట్లేనా అందరూ భయపడుతున్నారు. ప్రాజెక్ట్ కె మరో ఆదిపురుష్ కాదు కదా అనే ఫ్యాన్స్ లో మొదలైంది. కాగా ప్రాజెక్ట్ కె సినిమా అంత‌ర్జాతీయ స్థాయిలో ప్రతిష్టాత్మ‌క‌మైన `శాన్ డియాగో కామిక్ కాన్‌` ఈవెంట్లో పాల్గొన‌నున్న‌ట్లుగా చిత్ర బృదం ప్ర‌క‌టించిన విషయం మనకు తెలిసిందే. అమెరికాలో జ‌ర‌గ‌నున్న `శాన్ డియాగో కామిక్ కాన్‌` ఈవెంట్లో `ప్రాజెక్ట్ కె` టీమ్ అంతా పాల్గొన‌నుంది. ఈ ఈవెంట్‌కు హాజ‌రుకానున్న తొలి భార‌తీయ సినిమాగా ప్రాజెక్ట్ కె రికార్డు సృష్టించింది. ఈ మూవీలో అమితాబ్ బచ్చన్, దీపికా పదుకొణె, కమల్ హాసన్, దిశా పటానీ లాంటి వారు నటిస్తుండటం విశేషం. ఇదిలా ఉండగా ఈ ఈవెంట్ కి ద‌ర్శ‌క నిర్మాత‌ల‌తో పాటు ప్రభాస్, దీపిక ప‌దుకునే, కమల్ హాసన్ దీనికి హాజ‌రు కానున్నారు. ఇదే వేదిక‌పై ఈ సినిమా టైటిల్‌, టీజ‌ర్‌ని విడుదల చేసే అవకాశం ఉందని తెలుస్తోంది.
ఇది కూడా చూడండి: Hidimba movie review: హిడింబ మూవీ రివ్యూ
