చిరంజీవి రీ ఎంట్రీ మూవీ ఖైదీ నెం.150తో సాలిడ్ హిట్ కొట్టిన వినాయక్(VV Vinayak).. చివరగా సాయి ధరమ్ తేజ్‌తో ఇంటిలిజెంట్ అనే సినిమా చేశాడు. ఈ సినిమా బాక్సాఫీస్ దగ్గర బోల్తా కొట్టేసింది. అప్పటి నుంచి దర్శకుడిగా గ్యాప్ ఇచ్చేశాడు. అయితే దర్శకుడిగానే కాదు.. యాక్టర్‌గా కూడా వినాయక్‌కు మంచి ఇంట్రెస్ట్ ఉంది. అందుకే ఆ మధ్య వినాయక్ హీరోగా ‘శీనయ్య’ అనే సినిమా అనౌన్స్ చేశారు. కానీ ఆ సినిమా అనౌన్స్‌మెంట్‌కు మాత్రమే పరిమితమయ్యింది.
అయితే ప్రస్తుతం మాత్రం ఛత్రపతి(hindi Chatrapathi) రీమేక్‌తో ఆడియెన్స్ ముందుకు రాబోతున్నాడు వినాయక్. రాజమౌళి, ప్రభాస్ కాంబినేషన్లో వచ్చిన ఛత్రపతి సినిమా బ్లాక్ బస్టర్ హిట్‌గా నిలిచిన సంగతి తెలిసిందే. ఈ సినిమా రీమేక్‌తోనే బెల్లంకొండ సాయి శ్రీనివాస్‌ను బాలీవుడ్‌కు పరిచయం చేస్తున్నాడు వినాయక్. మే 12న ఈ సినిమా రిలీజ్ కాబోతోంది. ఇప్పటికే రిలీజ్ చేసిన ట్రైలర్‌తో రాజమౌళి యాక్షన్‌ను ఉన్నది ఉన్నట్టుగా దింపేశాడు వినాయక్.
ఇది కూడా చూడండి: Rakul Preet Singh: చుట్టూ చూడొద్దు..కానీ
ప్రస్తుతం ఈ సినిమా ప్రమోషన్స్‌(promotions)తో బిజీగా ఉన్నారు. ప్రమోషన్స్‌లో భాగంగా కొన్ని ఇంట్రెస్టింగ్ కామెంట్స్(comments) చేశాడు వినాయక్. ఛత్రపతి రీమేక్ చేయడానికి ముందు భయమేసిందని అన్నారు. స్టార్ హీరో, డైరెక్టర్ కాంబోలో వచ్చిన సినిమా రీమేక్ అనేసరికి.. ఖచ్చితంగా కంపారిజన్ ఉంటుంది. అందుకే కాస్త భయమేసిందని అన్నాడు.
అయితే బెల్లంకొండ సురేష్ మాత్రం పట్టుపట్టి మరీ ఈ సినిమాను చేయించారు. ఈ రీమేక్‌లో పెద్దగా మార్పులు చేయలేదు. కాకపోతే నా స్టైల్‌లో కొన్ని చేజింగ్ యాక్షన్ సీక్వెన్స్ యాడ్ చేశానని.. ఒరిజినల్ వెర్షన్‌ను చెడగొట్టకుండా చేసానని చెప్పారు వినాయక్(Vinayak). ఇక వినాయక్ టేకింగ్ అండ్ ఎలివేషన్ అందరికీ తెలిసిందే కాబట్టి. ఛత్రపతి రీమేక్ హిందీలోను అదరగొట్టడం ఖాయంగా కనిపిస్తోంది. మరి ఈ సినిమాతో వినాయక్ బౌన్స్ బ్యాక్ అవుతాడేమో చూడాలి.
ఇది కూడా చూడండి: Anika Ramachandran: హీరోయిన్ చనిపోయిందంటూ పోస్టర్స్‌ వైరల్
