ముందుగా బిచ్చగాడు 2 ట్రైలర్(Bichagadu 2 Trailer)ను ఏప్రిల్ 29న ఉదయం 11 గంటలకు విడుదల చేస్తామని చెప్పినట్టే.. కరెక్ట్ టైంకి రిలీజ్ చేశారు. విజయ్ గురుమూర్తి ఇండియాలోనే సెవెన్త్ రిచెస్ట్ మ్యాన్ అంటూ.. విజయ్ ఆంటోని(Vijay Antony) ఇంట్రడక్షన్‌తో ట్రైలర్ మొదలైంది. ఒక లక్ష కోట్ల వారసుడకి మిలియన్స్, బిలియన్స్ అక్కర్లేదన్నట్టుగా.. ఎడారిలో కనిపించే విజువల్స్‌తో గూస్ బంప్స్ తెప్పించేలా ఈ ట్రైలర్ ఉంది.
యాక్షన్ విజువల్స్, బ్యాక్ స్కోర్ అదిరిపోయే రేంజ్‌లో ఉంది. విజయ్ అంటోని రిచ్ మ్యాన్ లుక్ నెక్స్ట్ లెవల్ అనేలా ఉంది. అక్కడి నుంచి ఈ ట్రైలర్(Trailer) చాలా ఇంట్రెస్టింగ్‌గా సాగింది. ట్రైలర్ ఎండింగ్‌లో విజయ్ ఆంటోని చేతి పై ఉన్న రాణి పాప టాటూ.. తన తల్లి ఫోటోని జేబులో పెట్టుకొని కత్తి పట్టుకొన వస్తున్న విజువల్స్ అదిపోయాయి. తమిళంతో పాటు తెలుగులోనూ ఈ సినిమాను రిలీజ్ చేస్తున్నాడు.
అయితే తమిళ్‌లో కంటే తెలుగులోనే బిచ్చగాడు 2 టార్గెట్ భారీగా ఉందని చెప్పొచ్చు. బిచ్చగాడు ఫస్ట్ పార్ట్ కంటే భారీ బడ్జెట్‌తో ఈ సినిమాను తెరకెక్కిస్తున్నారు. అయితే బిచ్చగాడు 2 సీక్వెల్‌ను ప్రియ కృష్ణస్వామి దర్శకత్వం వహించాల్సి ఉండగా.. కొన్ని కారణాల వల్ల తప్పుకున్నారు.
దీంతో హీరో విజయ్ ఆంటోనీనే మెగాఫోన్ పట్టి దర్శకుడిగా బిచ్చగాడు 2 బాధ్యతలు తీసుకున్నారు. విజయ్ ఆంటోనీ ఫిల్మ్స్ కార్పోరేషన్ బ్యానర్‌పై అతడే నిర్మాతగానూ వ్యవహరిస్తున్నారు. మ్యూజిక్ కూడా అతనే అందిస్తున్నాడు. మే 19న మూవీని విడుదల చేయబోతున్నారు. మరి ఈసారి బిచ్చగాడు 2 ఎలాంటి రిజల్ట్ అందుకుంటుందో చూడాలి.
ఇది కూడా చూడండి: Adipurush: నుంచి కృతి సనన్ మోషన్ పోస్టర్…సీత కన్నీరు
