రైలు ప్రయాణం అందరికీ సౌకర్యవంతంగా ఉంటుంది. కానీ పిల్లల తల్లులకు మాత్రం ఇబ్బందిగానే ఉంటుంది. పిల్లలను ఆ ట్రైన్ బెర్త్ మీద ఒంటరిగా పడుకోపెట్టలేరు. పడిపోతారేమో అనే భయం ఉంటుంది. గంటల పాటు తామే ఎత్తుకొని ఆడిస్తూ ఉండాల్సి వస్తుంది. ఈ క్రమంలో ముఖ్యంగా పిల్లతో ప్రయాణం చాలా ఇబ్బందిగా ఉంటూ ఉంటుంది. అలాంటివారి కోసం రైల్వే శాఖ బంపర్ ఆఫర్ ప్రకటించింది. ఐదేళ్లలోపు పిల్లల కోసం ప్రత్యేక బేబీ బెర్త్‌లను తయారు చేసేందుకు రైల్వే శాఖ పరిశీలన ప్రారంభించింది. రానున్న రోజుల్లో బేబీ బర్త్‌పై రెండో ట్రయల్‌ని ప్రారంభించనున్నారు.
అన్ని రైళ్లలో బేబీ బెర్త్‌లకు సంబంధించి మార్పులు చేయబడతాయి. అయితే పిల్లల కోసం ఈ ప్రత్యేక బెర్త్‌కు ఎంత ధరను రైల్వే బోర్డు నిర్ణయించనుంది. వాస్తవానికి, కొంతకాలం క్రితం ట్రైన్‌లో బేబీ బర్త్ సౌకర్యం ట్రయల్‌గా ప్రారంభించారు. దీని ట్రయల్ లక్నో మెయిల్ నుంచి మే 2022లో ప్రారంభమైంది. కొన్ని రోజుల విచారణ తర్వాత, దాని ప్రశంసలతో పాటు, కొన్ని లోపాలు కూడా తెరపైకి రావడం ప్రారంభించాయి. దీని తరువాత, బేబీ బర్త్ లోపాలను తొలగించడానికి మార్పలు చేశారు. ఇప్పుడు కొత్త మార్పులతో బేబీ బర్త్ మళ్లీ రెండో సారి ట్రయల్ రన్‌కు సిద్ధమైంది. ఇది విజయవంతమైతే అన్ని రైళ్లలో బేబీ బెర్త్‌లకు సంబంధించి మార్పులు చేయనున్నది. అలాగే, బేబీ బెర్త్‌కు సైతం ప్రత్యేకంగా ధరలను రైల్వే బోర్డు నిర్ణయించనున్నది.
ఇది కూడా చూడండి: Golden Temple: దగ్గర మళ్లీ బాంబ్ బ్లాస్ట్..వారంలో మూడోసారి
గతంలో ఉన్న బెబీ బెర్త్ కంటే ఈ సారి మరింత సౌకర్యవంతంగా ఉంటుందని ఈ విధానంపై పని చేస్తున్న అధికారి నితిన్‌ దేవ్రే తెలిపారు. తల్లీ బిడ్డల బెర్త్‌పై తక్కువ స్థలం కారణంగా కొంత ఇబ్బంది ఎదురైందని, ఈ సమస్యను దృష్టిలో పెట్టుకొని బేబీ బెర్త్‌ను సిద్ధం చేసినట్లు పేర్కొన్నారు.
కొత్త డిజైన్‌ మరింత సౌకర్యవంతంగా, సురక్షితంగా ఉంటుందని పేర్కొన్నారు. ఇంతకు ముందు బేబీ బెర్త్‌లు సాధారణ సీట్ల కోసం తెరిచి ఉండేవని, దాంతో పిల్లలకు గాయాలు కావడం, సామగ్రి పడిపోయే ప్రమాదం ఉండేది. తాజాగా దాన్ని కప్పి ఉంచడంతో పాటు తన బిడ్డలకు తల్లి పాలు ఇచ్చేలా సౌకర్యవంతంగా ఉండనున్నది. ప్రతి కోచ్‌లో ఒక్కో సీటుతో ఈ కొత్త బేబీ బెర్త్‌ను ఇన్‌స్టాల్ చేయాల్సిన అవసరం ఉండదు. రైల్వే ఈ బేబీ బెర్త్‌ను టికెట్ బుక్ చేసుకునే సమయంలో బుక్ చేసుకునే వారికి ఈ బేబీ బెర్త్‌ను కేటాయించనున్నది. బేబీ బెర్త్ కోసం ప్రయాణికులు టీటీఈ సంప్రదించినా ప్రత్యేక హుక్‌ సహాయంతో బేబీ బెర్త్‌ను ఏర్పాటు చేస్తారు.
ఇది కూడా చూడండి: Karnataka assembly Elections 2023: 72.67% ఓటింగ్..ఎగ్జిట్ పోల్స్ నిజమవుతాయా?
