స్వరాష్ట్రంగా ఆవిర్భవించి తొమ్మిదేళ్లు పూర్తయి తెలంగాణ (Telangana) పదో పడిలోకి అడుగుపెడుతోంది. ఈ సందర్భంగా తెలంగాణ దశాబ్ది ఉత్సవాలు (Telangana Decade Celebrations) 21 రోజులపాటు జరుగనున్నాయి. తొలి రోజు జూన్ 2వ తేదీన శుక్రవారం హైదరాబాద్ (Hyderabad) లో అట్టహాసంగా సంబరాలు నిర్వహించనున్నారు. కేంద్ర ప్రభుత్వం ఆధ్వర్యంలో తొలిసారి ఉత్సవాలు జరుగనున్నాయి. ఈ సందర్భంగా హైదరాబాద్ లో పండుగ వాతావరణం (Festive Mood) సంతరించుకుంది. వీవీఐపీల తాకిడి అధికంగా ఉండడం.. సంబరాలు నిర్వహిస్తుండడంతో ట్రాఫిక్ పోలీసులు (Traffic Police) ప్రధాన రహదారుల్లో ఆంక్షలు విధించారు. వాహనదారులు ప్రధాన మార్గాలకు ప్రత్యామ్నాయ మార్గాల్లో వెళ్లాలని పోలీసులు సూచనలు జారీ చేశారు.
చదవండి: CM KCRకు భారీ షాక్.. ఇకపై ప్రెస్ మీట్ కు ఆయన దోస్త్ రాహుల్ రానట్టే..
కొత్త సచివాలయం (New Secretariat) ఆవరణలో సీఎం కేసీఆర్ (KCR) శుక్రవారం త్రివర్ణ పతాకం ఎగురవేయనున్నారు. అసెంబ్లీ (Assembly) ఎదురుగా తెలంగాణ అమరవీరుల స్తూపానికి (Telangana Martyrs Memorial) కూడా నివాళులర్పించనున్నారు. దీంతో ఆయా మార్గాల్లో వాహనాల మళ్లింపు చేశారు. వీవీ మార్గ్-నెక్లస్ రోటరీ, ఎన్టీఆర్ మార్గ్, తెలుగు తల్లి జంక్షన్ లపై ఉదయం పూట వాహనదారులకు అనుమతి లేదు. ఆ మార్గంలో వెళ్లాల్సిన వారు ఖైరతాబాద్, లక్డీకాపూల్ మీదుగా రాకపోకలు సాగించాలి. ఖైరతాబాద్ ఫ్లై ఓవర్ మూసివేసి ఉంటుంది.
చదవండి: మహాగణపతి నిర్మాణానికి అంకురార్పణ.. ఈసారి ఎన్ని అడుగులంటే..?
చదవండి: విన్యాసానికి పోయి బొక్కబోర్లా పడ్డ వైసీపీ ఎమ్మెల్యే రాచమల్లు
