విజయ్ దళపతి నటించిన వారిసు చిత్రంలోని రంజితమే పాటకు(ranjithame song) ఓ కలెక్టర్ డ్యాన్స్ చేశారు. అచ్చం రియల్ పాటలో మాదిరిగా స్టెప్పులు వేస్తూ అదరగొట్టారు. ఈ సంఘటన తమిళనాడులోని పుదుకోట్టైలో(tamilnadu Pudukkottai District)చోటుచేసుకుంది. మార్చి 8న ప్రపంచవ్యాప్తంగా మహిళలు మహిళా దినోత్సవాన్ని ఘనంగా జరుపుకున్నారు. ఈ క్రమంలోనే పుదుకోట్టె జిల్లా కలెక్టరేట్‌లో కూడా మహిళా దినోత్సవాన్ని ఘనంగా నిర్వహించారు. అందులో భాగంగా జిల్లా కలెక్టర్ కవితా రాము(Collector Kavitha Ramu) సిబ్బందితోపాటు పాల్గొని మహిళా అధికారులతో కలిసి డ్యాన్స్(dance) చేశారు.
దీంతోపాటు వేడుకలో పాల్గొన్న మహిళా అధికారుల కోసం క్రీడా పోటీలు, సినిమా పేరు లేదా పాటను సంజ్ఞ ద్వారా చూపించే పోటీ సహా హాస్య పంక్తులు మాట్లాడటం వంటి వివిధ కార్యక్రమాలు నిర్వహించారు. విజేతలకు బహుమతులు అందజేసే సందర్భంలో పుదుకోట్టై జిల్లా కలెక్టర్ కవితా రాము అన్ని ప్రభుత్వ మహిళా అధికారులు(women officers), అధికారులతో కలిసి కేక్ కట్ చేశారు. అనంతరం అధికారులకు కేక్ తినిపించారు. ఆ క్రమంలో వేదికపై ప్రదర్శించిన పాటకు పలువురు నృత్యాలు చేశారు.
చదవండి: Railway Jobs Scam: కేసులో రూ.600 కోట్ల పత్రాలు, కోటి క్యాష్ లభ్యం
అదే క్రమంలో కలెక్టర్ కవితా రాము వారిసు చిత్రంలోని రంజితమే పాట(ranjithame song) ప్రసారానికి ఉత్సాహంగా డ్యాన్స్ చేసి ఇతర అధికారులతో కలిసి తాను కూడా స్టెప్పులు వేసి సందడి చేశారు. అందుకు సంబంధించిన ఈ వీడియో ప్రస్తుతం సోషల్ మీడియా(social media)లో వైరల్ అవుతుంది. ఓ జిల్లా కలెక్టర్(district Collector) మహిళా అధికారులతో కలిసి సినిమా పాటకు ఉత్సాహంగా డ్యాన్స్(dance) చేయడం అందరినీ ఆకర్షిస్తోంది. ఇది చూసిన పలువురు సూపర్ మేడమ్ అంటూ కామెంట్లు చేస్తున్నారు.
மகளிர் தின விழாவில் புதுக்கோட்டை மாவட்ட ஆட்சியர் @kavitharamu அவர்கள் ❤️ pic.twitter.com/UDghvEPiY1
— Shiva.. (@shivahere_) March 11, 2023
తమిళ స్టార్ హీరో దళపతి విజయ్(vijay thalapathy) ఇటివల వారిసు చిత్రం(varisu movie)లో యాక్ట్ చేశారు. ఈ సినిమాలో రంజితమే పాట బాగా హిట్టు కావడంతో ఈ పాటకు కొరియోగ్రఫీ చేసిన జానీ మాస్టర్(jani master) స్టెప్పులు కూడా ఫేమస్ అయ్యాయి. దీంతో అనేక మంది సోషల్ మీడియాలో ఈ పాటకు స్టెప్పులు వేస్తూ పలు వీడియో చేశారు. తాజాగా ఈ పాటకు కలెక్టర్ కూడా డ్యాన్స్ చేయడంతో విజయ్ అభిమానులు ఖుషీ అవుతున్నారు. ఇక ఈ చిత్రంలో విజయ్ సరసన రష్మిక మందన్నా హీరోయిన్ గా నటించింది. ఈ చిత్రానికి తెలుగు డైరెక్టర్ వంశీ పైడిపల్లి దర్శకత్వం వహించారు.
చదవండి: Railway Jobs Scam: కేసులో రూ.600 కోట్ల పత్రాలు, కోటి క్యాష్ లభ్యం
