పుష్ప(Pushpa) సినిమా విడుదలై చాలా కాలం అవతున్నా ఆ సినిమా క్రేజ్ మాత్రం తగ్గలేదనే చెప్పాలి. ఇప్పటికీ ఆ సినిమా డైలాగులు, పాటలు వింటే ఎవరికైనా హుషారు వచ్చేస్తుంది. ప్రస్తుతం ఈ సినిమాకి సీక్వెల్ గా పుష్ప ది రూల్ చిత్రీకరిస్తున్నారు. శరవేగంగా సెకండ్ పార్ట్ షూటింగ్ జరుగుతోంది. 2024లో మేలో ఈ సినిమా ప్రేక్షకుల ముందుకు తీసుకురావడానికి ప్రయత్నాలు చేస్తున్నారు.
ప్రస్తుతం ఒడిశాలోని ఓ అటవీ ప్రాంతంలో షూటింగ్ జరుగుతోంది. కాగా.. ఈ సినిమా విడుదలకు ముందే విపరీతమైన క్రేజ్ పెరిగిపోతోంది. తాజాగా ఈ సినిమాకు సంబంధించిన వార్త బయటకు వచ్చింది.
ఇది కూడా చూడండి: Breaking ప్రముఖ హాస్య నటుడు మనోబాల కన్నుమూత.. సినీ పరిశ్రమ దిగ్భ్రాంతి
ఈ సినిమా ఆడియో రైట్స్ అదిరిపోయే రేటు లభించింది. ఈ సినిమాకే డిమాండ్ ఎక్కువగా ఉంది అంటే.. ఈ సినిమా ఆడియో రైట్స్ కూడా రూ.65 కోట్లకు అమ్ముడవ్వడం విశేషం. గతంలో ఏ సినిమాకు దక్కని రైట్స్ ఈ సినిమాకు దక్కడం విశేషం.
గతంలో RRR చిత్రం రూ. 25 కోట్లు, సాహో మూవీ రూ. 22 కోట్లు, ‘బాహుబలి 2’ రైట్స్ రూ. 10 కోట్లకు అమ్ముడయ్యాయి. వీటన్నిటితో పోలిస్తే.. భారీ మొత్తం దక్కించుకున్న ‘పుష్ప2’ థియేట్రికల్ కలెక్షన్లలోనూ టాప్ ప్లేస్‌కు చేరుకుంటుందని ఎక్స్‌పర్ట్స్ అంచనా వేస్తున్నారు.
మరో వైపు పుష్ప 2(Pushpa 2) కొత్త షెడ్యూల్ ప్రారంభం అవుతుందని తెలుస్తోంది. మైత్రీ మూవీ మేకర్స్ నిర్మించిన ఈ పాన్-ఇండియన్ మూవీలో ఫహద్ ఫాసిల్, సునీల్, అనసూయ భరద్వాజ్, జగదీష్ వంటి నటులు నటించారు. ఈ చిత్రానికి దేవి శ్రీ ప్రసాద్ సంగీతం అందిస్తున్నారు.
ఇది కూడా చూడండి: VD12 Movie విజయ్, శ్రీలీల కొత్త సినిమా పూజా కార్యక్రమం Photos
