తన ఫస్ట్ ఫిల్మ్ ‘ఆర్య’.. ముందుగా ప్రభాస్‌తో చేయాలని అనుకున్నాడు సుకుమార్(Sukumar). కానీ కథ డిమాండ్ మేరకు అల్లు అర్జున్ ఆ ప్రాజెక్ట్‌లోకి వచ్చాడు. అప్పటి నుంచి ప్రభాస్(Prabhas), సుకుమార్ కాంబో తరచుగా తెరపైకి వస్తునే ఉంది. కానీ అస్సలు కుదరడం లేదు. అయితే ఇప్పుడు మాత్రం దాదాపుగా ఫిక్స్ అయిందనే న్యూస్ వైరల్‌గా మారింది. ఇండస్ట్రీలో జరుగుతున్న ప్రచారం ప్రకారం.. రీసెంట్‌గా సుకుమార్ చెప్పిన కథకు ప్రభాస్ ఫిదా అయ్యాడట.
అంతేకాదు.. ఈ ప్రాజెక్ట్ పీరియాడిక్ బ్యాక్ డ్రాప్‌లో ఉంటుందనే టాక్(talk) నడుస్తోంది. ‘పుష్ప2’ అయిపోగానే.. సుకుమార్, ప్రభాస్(Prabhas) కోసమే స్క్రిప్ట్ రెడీ చేయనున్నాడనే రూమర్స్ స్ప్రెడ్ అవుతున్నాయి. ఇదేదో నిజమేనని అంటున్నాయి ఇండస్ట్రీ వర్గాలు. పుష్ప 2 తర్వాత సుకుమార్ ప్రాజెక్ట్ పై ఇంకా క్లారిటీ లేదు. విజయ్ దేవరకొండతో ఓ ప్రాజెక్ట్ అనౌన్స్ చేసినా.. ఉంటుందని ఖచ్చితంగా చెప్పలేం.
ఇది కూడా చూడండి: Prema Vimanam: టీజర్ రిలీజ్ చేసిన మ‌హేష్ బాబు..నీ చెవులంటే ఇష్టం
పుష్ప 2 కంప్లీట్ అయి, స్క్రిప్ట్ వర్క్ పూర్తయ్యే లోపు.. ప్రభాస్ కమిట్మెంట్స్ అన్ని పూర్తి కానున్నాయి. సలార్, ప్రాజెక్ట్ కె, స్పిరిట్‌తో పాటు సిద్ధార్థ్ ఆనంద్ ప్రాజెక్ట్ కూడా అయిపోనుంది. నెక్స్ట్ ఇయర్ వరకు సుకుమార్ ‘పుష్ప2’తోనే బిజీగా ఉండనున్నాడు. స్క్రిప్టు కోసం ఆరు నుంచి ఏడాది టైం తీసుకున్నా.. ఈ సారి ప్రభాస్, సుకుమార్(Sukumar) కాంబినేషన్ ఫిక్స్ అయినట్టేనని అంటున్నారు. ఇదే జరిగితే బాక్సాఫీస్ దగ్గర సునామి రావడం పక్కా.
ఇది కూడా చూడండి: Rama banam: ఈరోజుల్లో ఇలాంటి సినిమా గోపీచంద్ కే సాధ్యం..!
