హ్యాట్రిక్ బ్యూటీగా పేరు తెచ్చున్న క్యూట్ బ్యూటీ కృతి శెట్టికి.. ఇటీవల వరుసగా రెండు షాకులు తగిలాయి. ఉప్పెన, శ్యామ్ సింగరాయ్, బంగార్రాజు సినిమాలు కృతికి హిట్స్ ఇవ్వగా.. రామ్ ‘ది వారియర్’, నితిన్ ‘మాచర్ల నియోజక వర్గం’ ఫ్లాప్స్ ఇచ్చాయి. దాంతో జెట్ స్పీడ్‌తో దూసుకుపోతున్న కృతి కెరీర్ కాస్త స్లో అయిపోయింది. ఎడపెడా వచ్చిన ప్రతి ఆఫర్‌ను ఒప్పుకునే బదులు.. కంటెంట్ ఉండే సినిమాలే చేయాలని చూస్తోంది కృతి పాప. ప్రస్తుతం అమ్మడు నటించిన సుదీర్ బాబు ‘ఆ అమ్మాయి గురించి మీకు చెప్పాలి’ సినిమా త్వరలో రిలీజ్ అయ్యేందుకు రెడీ అవుతోంది. ఇక సూర్య-బాలా కాంబినేషన్లో వస్తున్న ‘అచలుడు’ అనే సినిమాలోను నటిస్తోంది. అలాగే నాగ చైతన్యతో కలిసి రెండోసారి రొమాన్స్ చేయడానికి రెడీ అవుతోంది కృతి.
కోలీవుడ్ డైరెక్టర్ వెంకట్ ప్రభుతో ఓ సినిమా చేయబోతున్నాడు చైతన్య. ఇప్పటికే ఈ సినిమాకి సంబంధించిన పూజా కార్యక్రమాలు కూడా పూర్తి అయ్యాయి. త్వరలోనే ఈ సినిమా రెగ్యులర్ షూటింగ్ ప్రారంభం కానుంది. అయితే ఇప్పటి వరకు కృతి చేసిన పాత్రలకు భిన్నంగా ఈ సినిమాలో కనిపించబోతోందని టాక్. గత సినిమాల్లో క్యూట్ బ్యూటీగా ప్రేమ కథలతో మెప్పించిన కృతి.. మొదటిసారి చైతన్య సినిమాలో ద్విపాత్రాభినయంలో నటించబోతుందని సమాచారం. అందులో ఓ పాత్ర రొటీన్ అవగా.. రెండోది మాత్రం హారర్ బ్యాక్ డ్రాప్‌లో ఉండనుందని టాక్. ఇదే నిజమౌతే కృతి కాస్త ట్రాక్ మార్చినట్టేనని చెప్పొచ్చు. మరి వైవిధ్యమైన పాత్రలు చేయడానికి ఆసక్తిగా ఉన్న ఈ బ్యూటీ.. చైతూ సినిమాలో నిజంగానే డ్యూయెల్ రోల్‌ చేస్తుందేమో చూడాలి.
