నేటి ఐపీఎల్(IPL 2023) మ్యాచ్‌లో సన్ రైజర్స్ హైదరాబాద్ పై ముంబై ఇండియన్స్ టీమ్ ఘన విజయం సాధించింది. ప్లే ఆఫ్స్ కోసం చేసిన ఈ పోరాటంలో ముంబై ఇండియన్స్(Mumbai Indians) బ్యాటర్లు అద‌ర‌గొట్టారు. వాంఖ‌డే వేదిక‌గా సన్రైజర్స్ హైదరాబాద్ (Sunrisers Hyderabad)తో జ‌రిగిన ఈ మ్యాచ్‌లో 8 వికెట్ల తేడాతో ముంబై ఘన విజయం పొందింది. 201 ప‌రుగుల ల‌క్ష్యాన్ని కేవ‌లం రెండు వికెట్లు కోల్పోయి, 12 బంతులు మిగిలి ఉండ‌గానే 18వ ఓవ‌ర్ల‌లోనే విజయం అందుకుంది.
చదవండి: Archery World Cup 2023:లో మనోళ్లు అదుర్స్..ఈసారి రెండు స్వర్ణాలు
ముంబై(Mumbai Indians) బ్యాటర్లు కామెరూన్ గ్రీన్‌ 100 పరుగులు, కెప్టెన్ రోహిత్ శర్మ 56 పరుగులతో దూకుడుగా ఆడాడు. ఆఖ‌ర్లో సూర్య‌కుమార్ యాద‌వ్‌ రెచ్చిపోయాడు. 16 బంతుల్లో 4 ఫోర్లు కొట్టి 25 రన్స్ చేశాడు. హైదరాబాద్(Sunrisers Hyderabad) బౌల‌ర్ల‌లో భువ‌నేశ్వ‌ర్ కుమార్, మ‌యాంక్ ద‌గ‌ర్‌లు చెరో వికెట్ ను మాత్రమే పడగొట్టగలిగారు.
చదవండి: Football Stadium: ఫుట్‌బాల్ స్టేడియంలో తొక్కిసలాట.. 12 మంది మృతి
అంత‌క‌ముందు టాస్ ఓడి బ్యాటింగ్‌కు దిగిన సన్రైజర్స్ హైదరాబాద్ జట్టు(Sunrisers Hyderabad) నిర్ణీత 20 ఓవ‌ర్ల‌లో 4 వికెట్ల న‌ష్టానికి 200 పరుగులు చేసింది. సన్రైజర్స్ బ్యాట‌ర్ల‌లో ఓపెన‌ర్లు మ‌యాంక్ అగ‌ర్వాల్‌ 83, వివ్రాంత్ శర్మ 69 పరుగులు చేశారు. ముంబై బౌల‌ర్ల‌లో ఆకాష్ మధ్వల్ నాలుగు వికెట్లు తీశాడు. క్రిస్ జోర్డాన్ ఓ వికెట్ ను తన ఖాతాలో వేసుకున్నాడు. ఈ మ్యాచ్ లో ముంబై జట్టు(Mumbai Indians) విజయం సాధించడంతో ప్లే ఆఫ్స్ ఆశలు సజీవంగా నిలుపుకుంది. అభిమానులు ఆనందం వ్యక్తం చేస్తున్నారు.
