హైదరాబాద్ వాతావరణ కేంద్రం(Hyderabad weather centre) తెలంగాణలో భారీ వర్షాలు కురుస్తాయని తెలిపింది. తూర్పు తెలంగాణ జిల్లాలకు వాతావరణ శాఖ ఆరెంజ్ అలర్ట్ జారీ చేసింది. తూర్పు తెలంగాణ జిల్లాల్లో వర్షంతో పాటు గరిష్ఠంగా 50 కి.మీ వేగంతో గాలులు కూడా వీస్తాయని, పలు చోట్ల ఉరుములు, మెరుపులతో కూడిన వర్షాలు పడతాయని వాతావరణ శాఖ(Weather Department) వెల్లడించింది.
చదవండి: CM KCR : జూనియర్ పంచాయతీ కార్యదర్శలకు గుడ్ న్యూస్
మధ్య, దక్షిణ తెలంగాణ(Telangana) జిల్లాల్లో ఉరుములు, మెరుపులతో కూడిన మోస్తరు వర్షాలు కురిసే అవకాశముందని, హైదరాబాద్(Hyderabad) నగరానికి కూడా వాతావరణ శాఖ హెచ్చరికలు జారీ చేసింది. పగటి పూట అధిక ఉష్ణోగ్రతలు(Temperatures) నమోదవుతూనే సాయంత్రం నుంచి వర్షాలు పడే అవకాశం ఉందని వాతావరణ శాఖ(Weather Department) తెలిపింది. మరో మూడు రోజుల పాటు ఇదే తరహా వాతావరణ పరిస్థితులు ఉంటాయని హైదరాబాద్ వాతావరణ కేంద్రం తెలిపింది.
