Films released on Friday
Movie release: ప్రతి వారం మాదిరిగానే ఈ శుక్రవారం(Friday) కూడా సినిమా ప్రేమికులను అలరించడానికి థియేటర్లో(Theater), ఓటీటీ(OTT)లో కొత్త మూవీలు సిద్ధంగా ఉన్నాయి. జులై నెలలో చాలానే విడుదల అయ్యాయి. అందులో కొన్ని బాక్స్ ఆఫీస్ వద్ద మంచి కలెక్షన్లను రాబట్టాయి.
ఎల్‌జీఎం
ఇప్పుడు ఆగస్ట్ మొదటి వారంలో రిలీజ్‌కు ముస్తాబు అవుతున్న చిత్రాలలో తమిళ్‌లో ఇప్పటికే విడుదలై మంచి టాక్‌ను సోంతం చేసుకున్న ఫిల్మ్ ఎల్‌జీఎం(LGM). ఇండియన్ మాజీ క్రికెటర్ ధోని(MS Dhoni) నిర్మాణంలో వస్తున్న ఈ చిత్రంలో హరీష్‌ కల్యాణ్‌ (harish kalyan), ఇవానా (ivana) జంటగా నటించారు. రమేష్‌ తమిళమణి దర్శకుడిగా.. సాక్షి ధోని, వికాస్‌ హస్జా సంయుక్తంగా నిర్మించారు. లెట్స్ గెట్స్ మ్యారీడ్ లో నదియా, యోగిబాబు కీలక పాత్రలు పోషించారు. ఈ సినిమా ఆగస్టు 4న ప్రేక్షకుల ముందుకు రానుంది. స్వతంత్ర భావాలున్న అమ్మాయి కథతో మన జీవితంలోని బంధాలు, బంధుత్వాల గురించి తెలియజెప్పే పాయింట్‌తో సినిమా ఆద్యాంతం ఎంటర్‌టైనింగ్‌గా ఉంటుంది.
రాజుగారి కోడిపులావ్
శివ కోన(Shiva Kona), అనిల్ మోదుగా సంయుక్త నిర్మాణంలో ఈ టీవి ప్రభాకర్(Prabhakar), నేహా దేశ్ పాండే, కునాల్ కౌశల్, ప్రాచీ ఠాకూర్, రమ్య దేష్, అభిలాష్ బండారి కీలక పాత్రల్లో నటిస్తున్న చిత్రం రాజుగారి కోడిపులావ్ (Rajugari kodipulao). శివ కోన స్వీయ దర్శకత్వంలో తెరకెక్కుతోంది. అన్ని కార్యక్రమాలు పూర్తి చేసుకున్న ఈ సినిమా ఆగస్టు 4న ప్రేక్షకుల ముందుకు రానుంది. యూత్‌ను అలరించేలా ఒక వైవిధ్యమైన కథతో సినిమా ఉండనుంది అని ట్రైలర్ చూస్తే అర్థం అవుతుంది.
విజయ్ ఆంటోని(Vijay Atony) కథానాయకుడిగా బాబు యోగేశ్వరన్‌ తెరకెక్కించిన చిత్రం విక్రమ్‌ రాథోడ్‌ (Vikram Rathode). ఎస్‌.కౌశల్య రాణి నిర్మాత. సురేష్‌ గోపి, సోనూసూద్‌, యోగిబాబు తదితరులు కీలక పాత్రలు పోషించారు. ఎప్పుడో చిత్రీకరణ పూర్తి చేసుకున్న ఈ సినిమా ఆగస్టు 4న థియేటర్‌లలో విడుదల కానుంది. విజయ్ ఆంటోని సినిమాలను ఇష్టపడే వారికి ఈ చిత్రం నచ్చేలా ట్రైలర్ ఉంది.
మిస్టేక్
అభినవ్‌ సర్దార్‌ హీరోగా తానే స్వయంగా నిర్మించిన చిత్రం మిస్టేక్ (Mistake). ఈ చిత్రాన్ని భరత్‌ కొమ్మాలపాటి తెరకెక్కంచాడు. ఆగస్టు 4న ఈ సినిమా ప్రేక్షకుల ముందుకు రానుంది. యాక్షన్‌, కామెడీ, సస్పెన్స్‌, థ్రిల్లింగ్ అంశాలతోొ మిస్టేక్ ను చిత్రకరించినట్లు తెలుస్తుంది. ఈ సినిమాలతో పాటు దిల్ సే అనే మరో యూత్ ఫుల్ లవ్ ఎంటర్‌టైనర్ చిత్రం విడుదలకు సిద్ధం అయింది. అలాగే ఆగస్ట్ 3న మెగ్2 రాక్షస తిమింగలం అనువాద చిత్రం రిలీజ్ అవుతుంది.
అలాగే ఓటీటీ వేదికగా విడుదలయ్యే చిత్రాలలో అందరు ఎంతో ఆసక్తిగా ఎదురుచూస్తున్న మూవీ రంగబలి(Rangabali). ఈ చిత్రం నెట్‌ఫ్లిక్స్(NetFlix) వేదికగా ఆగస్టు 4న స్ట్రీమింగ్ కాబోతుంది. నాగశౌర్య(Nagashowrya) హీరోగా నటించిన ఈ మూవీ థియేటర్లో మంచి టాక్ తెచ్చకుంది. అలాగే చూనా అనే హిందీ ఆగస్టు 3న స్ట్రీమింగ్ అవుతుంది. ది హంట్ ఫర్ వీరప్పన్ అనే డ్యాకుమెంటరి ఫిల్మ్ కూడా ఆగస్టు 4న విడుదల అవుతుంది.డిస్నీ+హాట్‌స్టార్‌లో గార్డియన్స్ ఆఫ్ ది గెలాక్సీ చిత్రం ఆగస్టు 2న, జేడీ చక్రవర్తి, ఈషా రెబ్బ నటించిన దయా చిత్రం ఆగస్టు 5న స్ట్రీమింగ్ అవుతున్నాయి. ఇక సోనీలైవ్ వేదికగా పరేషాన్, అమెజాన్ ప్రైమ్(Amazon Prime) వేదికగా ధూమమ్ చిత్రాలు ఆగస్టు 4న విడుదల అవుతున్నాయి.
