మధ్యప్రదేశ్(Madhya Pradesh)లోని దతియాలో ఘోర ప్రమాదం జరిగింది. బుహరా గ్రామ సమీపంలో డీసీఎం(DCM) వాహనం నదిలో బోల్తా పడింది. ఈ ప్రమాదంలో ఐదుగురు మృతి చెందారు. మరో 20 మందికిపైగా గాయపడ్డారు. విషయం తెలుసుకున్న పోలీసులు, అధికారులు ఘటనా స్థలానికి చేరుకుని సహాయక చర్యలు చేపడుతున్నారు. దతియా బుహరా గ్రామ సమీపంలో ఈ ప్రమాదం జరిగినట్లు చెబుతున్నారు. తికమ్‌ఘర్‌లోని జాతర గ్రామం నుంచి మినీ ట్రక్కులో పెళ్లి ఊరేగింపుతో తిరిగి వస్తున్న క్రమంలో ఈ ప్రమాదం జరిగినట్లు తెలుస్తోంది.
ఇది కూడా చూడండి: Accident: పెళ్లి ఊరేగింపుపై దూసుకెళ్లిన ట్రక్కు..ఐదుగురు మృతి, 9 మందికి గాయాలు
బుహరా గ్రామ సమీపంలో నది(river)పై వంతెన నిర్మాణ పనులు జరుగుతుండగా, ట్రక్కు అదుపు తప్పి రైలింగ్ విరిగి నదికి సమీపంలో బోల్తా పడింది. ఆ సమయంలో ట్రక్కులో 50 మంది వరకు ఉన్నట్లు సమాచారం. ప్రస్తుతం క్షతగాత్రులను చికిత్స నిమిత్తం ఆస్పత్రికి తరలించారు. ఈ విషయం తెలుసుకున్న రాష్ట్ర హోం మంత్రి నరోత్తమ్ మిశ్రా (డాక్టర్ నరోత్తమ్ మిశ్రా) అధికారులతో మాట్లాడి సహాయక చర్యలను వేగవంతం చేయాలని ఆదేశించారు. ఈ ఘటనలో గాయపడిన మృతుల కుటుంబాలకు అవసరమైన అన్ని రకాల సహాయాన్ని అందించాలని కూడా నరోత్తమ్ మిశ్రా కోరారు.
मध्य प्रदेश के दतिया जिले में बड़ा हादसा, मिनी ट्रक नदी में गिरा https://t.co/X5RsGj9j9M#MadhyaPradesh #Datia #MPNews #Naidunia pic.twitter.com/M4gZg5Bias
— NaiDunia (@Nai_Dunia) June 28, 2023
