Elephant-Lion
అడవికి రాజు సింహం ( lion ) . సింహం అడవిలోని ఏ జంతువుకు దాదాపు భయపడే అవకాశం లేదు . కానీ ఓ ఏనుగు మాత్రం ఓ సింహాన్ని భయపెట్టింది . మనం ఎవరికైనా భయపడితే… వారు మన ఎదురుగా కనిపిస్తే దాచుకుంటాం .. ఓ ఏనుగు కు భయపడిన సింహం కూడా దాచుకున్నది . ఏనుగు తనను చూడగానే అక్కడి నుండి పరుగు లంఘించుకున్నది . ఇందుకు సంబంధించిన వీడియో ఇప్పుడు యూట్యూబ్ సహా నెట్టింట వైరల్ గా మారింది . 2 నిమిషాల 21 సెకన్ల పాటు ఉన్న ఈ వీడియో లో నెటిజన్లను ఆశ్చర్యానికి గురి చేస్తోంది .
ఇది చదవండి : Elephant stops truck: రోడ్డుపై ట్రక్కును ఆపి, చెరుకు తీసుకున్న ఏనుగు
అడవి జంతువుల పరస్పర చర్యలు మనల్ని ఎన్నోసార్లు ఆశ్చర్యానికి గురి చేయవచ్చు . అలాంటి వీడియోలు చూసినప్పుడు మనోహరంగా ఉంటుంది . అలాంటి వీడియోల జాబితాలోకి ఇది చేరుతుంది . వీడియో ప్రకారం … ఓ సింహం రాళ్లతో కట్టిన ఓ భారీ నీటి తొట్టి వద్ద పడుకొని విశ్రాంతి తీసుకుంటోంది . అదే సమయంలో అక్కడకు నీరు తాగేందుకు ఓ ఏనుగు వచ్చింది . ఏనుగు వినికిడి రాగానే లేచి , బావి వైపు ఏనుగు రావడం చూస్తుంది . ఆ ఏనుగుకు భయపడిన సింహం నీటి తొట్టి చాటుకు దాక్కుంటుంది. నీటి తొట్టి సింహం కంటే కాస్త ఎత్తులో, రౌండ్ గా ఉంది . దీంతో దాని చాటుకు దాక్కుంటుంది సింహం . సింహం నీటిని తాగుతున్నంత సేపు అలానే భయంతో దాక్కొని ఉంటుంది . నీరు తాగుతున్న సమయంలో సింహాన్ని చూసిన ఏనుగు తన తొండంతో దాని పైకి నీటిని చిమ్ముతుంది . సింహం వెంటనే అక్కడి నుండి పారిపోతుంది . ఏనుగు అరుస్తూ సింహం వెంట పడే ప్రయత్నం చేస్తుంది . కానీ అప్పటికే అక్కడి నుండి పారి పోవడంతో వెనక్కి తిరుగుతుంది ఏనుగు .
నెటిజన్లు ఈ వీడియోపై స్పందిస్తున్నారు. ఏనుగు తన తొండంతో సింహాన్ని భయపెట్టిందని ఒకరు .. మొత్తానికి సింహం.. ఏనుగును భయపెట్టగలిగింది సింహం బిగ్గరగా గర్జించగలదు కానీ , ఏనుగు చేసే శబ్దం ముందు దిగదుడుపే అని మరో నెటిజన్ స్పందించాడు .
ఇది చదవండి : Team India Holi celebrations: బస్సులోనే రంగులు జల్లుకున్న టీమిండియా
