ఆంధ్రప్రదేశ్ లో వైసీపీని ఎదుర్కొనే సత్తా టీడీపీకి లేదు అని బీజేపీ నేత విష్ణువర్థన్ రెడ్డి అభిప్రాయడపడ్డారు. వచ్చే ఎన్నికల్లో తాము సత్తా చాటి తీరతామని ఆయన పేర్కొన్నారు. వైసీపీకి పోటీగా నిలిచే పార్టీ బీజేపీ మాత్రమేనని ఆయన అన్నారు.
ఎమ్మెల్సీ ఎన్నికల్లో వైసీపీకి, టీడీపీకి వేసే ఓట్లు దుర్వినియోగం అవుతాయన్నారు. 2024 లో కూడా మోడీ దేశ ప్రధానిగా బాధ్యతలు చేపట్టడం ఖాయమని ఆయన చెప్పారు . ఎక్కడ ఎన్నికలు జరిగినా ప్రజాస్వామ్య పద్ధతిలో జరిగితే..ఏపీలో మాత్రం ప్రజాస్వామ్యానికి విరుద్ధంగా జరుగుతున్నాయని మండిపడ్డారు.
టీడీపీకి వైసీపీని ఎదుర్కొనే స్థాయి లేదన్నారు . వైసీపీకి పోటీగా నిలిచే పార్టీ బీజేపీ మాత్రమేనని ధీమా వ్యక్తం చేశారు. వైసీపీ పట్టభద్రులను ప్రలోభాలకు గురి చేస్తుందని ఆరోపించారు. వైసీపీ నాయకులు అసలు అభివృద్ధి గురించి మాట్లాడటం లేదన్నారు. వార్తలు రాసిన జర్నలిస్ట్ ల‌పై ఎస్సీ ఎస్టీ కేసులు నమోదు చేయడం విడ్డూరంగా ఉందన్న ఆయన… హై కోర్టు చెప్పిన జర్నలిస్టులపై కేసులు నమోదు చేశారన్నారు. సీఐ పై ఇప్పటివరకు ఎందుకు విచారణ చేయలేదని ప్రశ్నించారు.. ఏపీ హోమ్ మంత్రి ఈ ఘటన పై సమాధానం చెప్పాలని డిమాండ్ చేశారు.
