జమ్మూ కాశ్మీర్‌లోని పూంచ్ సెక్టార్లో ఘోర విషాదం జరిగింది. పూంచ్ సెక్టార్లో ఆర్మీ వాహనం మంటల్లో చిక్కుకోవడంతో ఐదుగురు ఆర్మీ జవాన్లు మరణించారు. బిజి సెక్టార్‌లోని భట్టా దురియన్ ఫారెస్ట్ సమీపంలో వాహనం మంటల్లో చిక్కుకుంది. ఇది ఉగ్రదాడి అని తేలింది. ఉగ్రవాదులు గ్రనేడ్లు విసరడం వల్లే ఈ ఘటన జరిగినట్లు నిర్ధారణ అయ్యింది. దీంతో అధికారులు అలర్ట్ అయ్యారు. ఉగ్రవాదుల కోసం కూంబింగ్ నిర్వహిస్తున్నారు.
ఈ ఘటన భాటా ధురియన్ ప్రాంతానికి సమీపంలో జరిగింది. పూంచ్‌కు 90 కిలోమీటర్ల దూరంలో ఉన్న ఘటనా స్థలానికి ఆర్మీ, పోలీసు సిబ్బంది చేరుకున్నారు. అయితే మొదట పిడుగు పాటు నేపథ్యంలో ఈ ప్రమాదం జరిగినట్లు అందరూ అనుకున్నారు. కానీ ఇది ఉగ్రవాదుల పన్నాగం అని తేలింది. ఉగ్రవాదుల కోసం పోలీసులు గాలింపు చర్యలు ముమ్మరం చేశారు.
VIDEO | Indian Army vehicle catches fire in Jammu and Kashmir's Poonch sector. More details are awaited. pic.twitter.com/E4gyvthM54
— Press Trust of India (@PTI_News) April 20, 2023
