W.G: ఆచంట మండలం కరుగోరుమిల్లిలో సుమారు 25 ఎకరాల ఎండు గడ్డికి ఆదివారం అర్ధరాత్రి గుర్తు తెలియని వ్యక్తులు నిప్పు పెట్టారు. ఒక్కసారిగా భారీగా మంటలు ఎగిసిపడటంతో స్థానికులు అగ్నిమాపక సిబ్బందికి సమాచారం ఇచ్చారు. ఘటన ప్రాంతానికి అగ్నిమాపక సిబ్బంది చేరుకునేలోపే ఎండుగడ్డి అగ్నికి ఆహుతైంది. నిప్పు పెట్టిన దుండగులను కఠినంగా శిక్షించి, రైతులకు ఆర్ధిన సహాయం చేయాలని కోరుతున్నారు.
