Rajadhani Files: రాజధాని ఫైల్స్ సినిమా విడుదలకు స్టే విధించిన సంగతి తెలిసిందే. అయితే ఈ చిత్రం విడుదలకు ఏపీ హైకోర్టు గ్రీన్ సిగ్నల్ ఇచ్చింది. సెన్సార్ బోర్డు రివైజింగ్ కమిటీ ఇచ్చిన ధ‌్రువపత్రాలను పరిశీలించిన ఉన్నత న్యాయస్థానం స్టే కొనసాగించేందుకు నిరాకరించింది. నిబంధనల మేరకు అన్ని సర్టిఫికెట్లు జారీ చేశారని స్పష్టం చేసింది. కౌంటర్ దాఖలు చేయాలని ప్రతివాదులను ఆదేశిస్తూ విచారణను హైకోర్టు వాయిదా వేసింది.
ఇది కూడా చూడండి: Ooru Peru Bhairavakona Movie Review: సందీప్ కిషన్ హిట్ కొట్టాడా?
సీఎం జగన్, ప్రభుత్వం ప్రతిష్ఠను దిగజార్చేందుకు రాజధాని ఫైల్స్ సినిమా తీశారని.. గతేడాది డిసెంబర్18న సీబీఎఫ్‌సీ జారీ చేసిన ధ్రువపత్రాన్ని రద్దు చేయాలంటూ వైకాపా రాష్ట్ర ప్రధాన కార్యదర్శి లేళ్ల అప్పిరెడ్డి ఇటీవల హైకోర్టులో వ్యాజ్యం దాఖలు చేశారు. ఈ నెల 13న విచారణ జరిపిన కోర్టు.. సినిమా ప్రదర్శనను తాత్కాలికంగా నిలువరిస్తూ నిన్న మధ్యంతర ఉత్తర్వులిచ్చింది. తాజాగా విచారణ చేపట్టి చిత్రం విడుదలకు అంగీకారం తెలిపింది.
ఇది కూడా చూడండి: Traffic Challans: తెలంగాణలో నేటితో ముగియనున్న ట్రాఫిక్‌ చలాన్ల రాయతీ గడువు
