రేపు చంద్రబాబుతో జనసేనాని ములాఖత్ కానున్నారు.
జనసేన అధినేత పవన్ కల్యాణ్(Pawan Kalyan).. రేపు రాజమండ్రి కేంద్రకారాగారంలో టీడీపీ అధినేత నారా చంద్రబాబునాయుడును కలవనున్నారు. మూడు రోజులుగా జైల్లో ఉంటున్న చంద్రబాబు(Chandrababu)ను నిన్న ఆయన కుటుంబ సభ్యులు నారా లోకేశ్(Nara Lokesh), భువనేశ్వరి, బ్రాహ్మణి కలిశారు. రేపు చంద్రబాబుతో జనసేనాని ములాఖత్ కానున్నారు. జైలు పరిసరాల్లో ఇప్పటికే 144 సెక్షన్ కొనసాగుతోంది.
చదవండి : హైదరాబాద్ ప్రజలకు అలర్ట్..ఖైరతాబాద్‌లో అత్యధిక ఉష్ణోగ్రతలు నమోదు
రేపు పవన్ రాక నేపథ్యంలో మరింత భద్రతను ఏర్పాటు చేయనున్నారు. చంద్రబాబు అరెస్టైన సమయంలోనే ఆయనను కలిసేందుకు పవన్ కల్యాణ్ ప్రయత్నించారు. కానీ ఏపీ పోలీసు(AP Police)లు అందుకు అనుమతించలేదు. ఓసారి బేగంపేట విమానాశ్రయంలో ప్రత్యేక విమానానికి అనుమతి నిరాకరించారు. మరోసారి రోడ్డు మార్గంలో వెళ్తున్నప్పుడు జనసేనానిని అడ్డుకున్నారు. ఇప్పుడు కేంద్రకారాగారంలో ములాఖత్‌కు అనుమతి లభించింది. మరోవైపు, బాబు తరఫు న్యాయవాది సిద్ధార్థ లూథ్రా (Siddhartha Luthra) నేటి సాయంత్రం నాలుగు గంటలకు జైల్లో చంద్రబాబుతో భేటీ కానున్నారు.
చదవండి : TheVaccineWar : తొలి బయో సైన్స్ సినిమా ది వ్యాక్సిన్ వార్’.. సెప్టెంబర్ 28న రిలీజ్
నారా లోకేశ్‌కు సీఐడీ అధికారులు నోటీసులిచ్చారు. అమరావతి ఇన్నర్ రింగ్ రోడ్డు కేసులో ఆయన్ని ఏ14గా చేర్చుతూ సీఐడీ అధికారులు స్వయంగా నోటీసులివ్వడం చర్చనీయాంశమైంది. అక్టోబర్ 4వ తేదిన ఆయన విచారణకు హాజరుకావాలని సీఐడీ కోరింది.
