తెలంగాణ (Telangana) రాజధాని హైదరాబాద్ (Hyderabad) నగరంలో అత్యధిక ఉష్ణోగ్రతలు (Temperature) నమోదయ్యాయి. నగరం మొత్తం ఉక్కపోతలతో ఉక్కిరిబిక్కిరి అవుతోంది. బుధవారం ఉదయం నుంచే ఎండలు దంచికొట్టడంతో నగరవాసులకు ఇబ్బందులు తప్పడం లేదు. నగరంలో అత్యధికంగా ఖైరతాబాద్‌లో అత్యధికంగా 32.9 డిగ్రీల సెల్సియస్ ఉష్ణోగ్రతలు నమోదయ్యాయి. ఈ విషయాన్ని హైదరాబాద్ వాతావరణ శాఖ అధికారులు వెల్లడించారు.
చదవండి: Before And Now: రోజా, విడదల రజనీ, అవంతి, కేసీఆర్ కామెంట్స్
మరో మూడు రోజుల పాటు 30 డిగ్రీల సెల్సియస్ ఉష్ణోగ్రతలు నమోదయ్యే అవకాశం ఉందని, ప్రజలు అప్రమత్తంగా ఉండాలని వాతావరణ శాఖ అధికారులు (Hyderabad weather Department) వెల్లడించారు. బంగాళాఖాతం మధ్య భాగంతో పాటుగా ఉత్తర బంగాళాఖాతంలో అల్పపీడనం ఏర్పడిందని, దీంతో రాబోయే రోజుల్లో రాష్ట్రంలో భారీ వర్షాలు (Heavy Rains) కురిసే అవకాశం ఉందని అధికారులు వెల్లడించారు.
చదవండి: Mynampally : మల్కాజిగిరిలో ప్రభుత్వ పథకాలు బంద్..మైనంపల్లికి బీఆర్ఎస్ షాక్
సెప్టెంబర్ 16, 17వ తేదీల్లో తెలంగాణ వ్యాప్తంగా మోస్తరు నుంచి భారీ వర్షాలు కురిసే అవకాశం ఉందని, రుతుపవనాల (Monsoon) సమయంలో అల్పపీడం ఏర్పడటం అనేది సాధారణమేనని, దీంతో దేశవ్యాప్తంగా కూడా చాలా ప్రాంతాల్లో భారీ వర్షపాతం నమోదయ్యే అవకాశం ఉందని హైదరాబాద్ వాతావరణ శాఖ (Hyderabad Weather Department) వెల్లడించింది.
