NDL: వరల్డ్ రాపిడ్ చెస్ ఛాంపియన్‌గా తెలుగు తేజం కోనేరు హంపి రికార్డ్ సృష్టించారు. ఈ సందర్భంగా ఆమెకు నంద్యాల MP డా.బైరెడ్డి శబరి అభినందనలు తెలిపారు. ‘2024 FIDE మహిళల ప్రపంచ ర్యాపిడ్ ఛాంపియన్‌షిప్‌ను కైవసం చేసుకున్నందుకు కోనేరు హంపీకి అభినందనలు. మీ విజయం కృషికి, దృఢత్వానికి, నిజమైన ఛాంపియన్ స్ఫూర్తికి నిదర్శనం’ అని MP శబరి ట్వీట్ చేశారు.
SKLM: ఎచ్చర్ల మండల కేంద్రంలో పట్టపగలు వీధి దీపాలు వెలుగుతూ కనిపిస్తున్నాయి. గత కొద్ది రోజులుగా ఇలా వీధి దీపాలు వెలగడంతో పంచాయతీ ప్రజలు అసహనం వ్యక్తం చేస్తున్నారు. పగటిపూట వీధి దీపాలు వెలగడం వలన పంచాయితీకి విద్యుత్ బిల్లు అధికమవుతుందని తెలిపారు. సంబంధిత అధికారులు స్పందించి తగు చర్యలు చేపట్టాలని వారు కోరుతున్నారు
పల్నాడు: సీఎం చంద్రబాబు నరసరావుపేట మండలం యల్లమంద గ్రామానికి ఈనెల 31న రానున్నారు. ఉదయం 10:30గంటలకు ఉండవల్లిలో బయల్దేరి 11గంటలకు యల్లమంద గ్రామానికి చేరుకుంటారు. 11:05నిమిషాలకు హెలిప్యాడ్‌ వద్ద సీఎంకు నేతలు, అధికారులు స్వాగతం పలుకుతారు. 11:10గంటల నుంచి 11:40వరకు NTR భరోసా పింఛన్లు గ్రామంలో అందజేస్తారు. 11:40గంటలకు కోదండరామస్వామి ఆలయాన్ని సందర్శిస్తారు.
SKLM: కడప జిల్లా TDP MLC సి. రామచంద్రయ్య కుమారుడు విష్ణు స్వరూప్ శనివారం గుండెపోటుతో హైదారాబాద్‌లో మృతి చెందారు. ఈ హఠాన్మరణం తీవ్ర దిగ్భ్రాంతికి గురి చేసిందని టెక్కలి MLA, మంత్రి అచ్చెన్నాయుడు అన్నారు. ఈ మేరకు ఆదివారం ఒక ప్రకటన విడుదల చేశారు. ఆయన పవిత్ర ఆత్మకు శాంతి చేకూరాలని భగవంతుడిని ప్రార్థిస్తున్నట్లు పేర్కొన్నారు. కుటుంబ సభ్యులకు ప్రగాఢ సానుభూతిని తెలిపారు.
TPT: ఏర్పేడు మండలం వికృతమాలలో ఉన్న వెంకటేశ్వర స్వామి వారికి ఆదివారం తోమాల సేవ వైభవంగా నిర్వహించారు. ముందుగా విగ్రహానికి మంత్రోచ్ఛారణల మధ్య అభిషేకం నిర్వహించారు. అనంతరం స్వామివారిని రకరకాల పూలతో తోమాల సేవ చేశారు. భక్తులకు దర్శన భాగ్యం కల్పించి..తీర్థ ప్రసాదాలు అందించారు.
ATP: మాజీ మంత్రి పేర్ని నానిపై తాడిపత్రి మాజీ ఎమ్మెల్యే జేసీ ప్రభాకర్ రెడ్డి ఫైర్ అయ్యారు. ‘పేర్ని నాని.. నీ భాగోతాలన్నీ నాకు తెలుసు అంటూ జేసీ హెచ్చరించారు. మహిళల గురించి మాట్లాడే అర్హత నానికి లేదని, గతంలో చేసినవి అన్నీ మర్చిపోయారా?’ అని ప్రశ్నించారు. అధికారంలో ఉన్నప్పుడు జేసీ కుటుంబం మీద కేసులు పెట్టినప్పుడు మహిళలు కనబడలేదా అంటూ మండిపడ్డారు.
AKP: అచ్యుతాపురం మండలం బర్క్‌లో ఆర్‌విఆర్ కాంట్రాక్ట్ వద్ద పని చేస్తూ మృతి చెందిన భవన నిర్మాణ కార్మికుడు ఏ. దుర్గారావు కుటుంబాన్ని ఆదుకోవాలని సీఐటియూ జిల్లా ఉపాధ్యక్షులు ఆర్. రాము ఆదివారం డిమాండ్ చేశారు. శ్రీకాకుళం జిల్లా నుంచి పొట్టకూటి కోసం ఇక్కడికి వచ్చారన్నారు. మృతునికి భార్య ఇద్దరు ఆడ పిల్లలు ఉన్నారని.. ఆ కార్మికుడి కుటుంబాన్ని ఆదుకోవాలన్నారు.
NLR: మాజీ మంత్రి కాకాణి గోవర్ధన్ రెడ్డి కరెంట్ ఛార్జీల విషయంలో కొత్త డ్రామాను మొదలు పెట్టారని సర్వేపల్లి నియోజకవర్గ జనసేన పార్టీ సమన్వయకర్త బొబ్బేపల్లి సురేశ్ నాయుడు తెలిపారు. వైసీపీ రాష్ట్రాన్ని అప్పుల ఊబిలోకి నెట్టేసిందని ఆయన ఆరోపించారు. కూటమి ప్రభుత్వం అధికారంలోకి వచ్చిన తర్వాత రాష్ట్రాన్ని గాడిలో పెడుతుందని ఆయన స్పష్టం చేశారు.
ASR: అరకు లోయలోని పర్యాటక ప్రాంతాలను సందర్శించడానికి ఇతర ప్రాంతాల నుంచి వచ్చే పర్యాటకులు ప్లాస్టిక్ వ్యర్ధాలను, ఖాళీ మద్యం బాటిల్స్‌ను పొలాల్లో వేయొద్దని గిరిజన సంఘం రాష్ట్ర కమిటీ సభ్యుడు తుమ్మి అప్పలరాజు దొర ఆదివారం కోరారు. ప్లాస్టిక్ వస్తువులు, మద్యం సీసాలు పొలాల్లో పడవేయడం వల్ల గిరిజన రైతులకు గాయాలు అవుతున్నాయని ఆవేదన వ్యక్తం చేశారు.
AKP: గొలుగొండ శాఖ గ్రంథాలయంలో ఆదివారం ‘చదవడం మాకిష్టం’ కార్యక్రమం నిర్వహించారు. ఈ సందర్భంగా విద్యార్థులచే గ్రంథా లయాధికారి రాజబాబు బుక్ రీడింగ్, స్టోరీ టెల్లింగ్ నిర్వహించడం జరిగింది. ఈ కార్యక్రమంలో విద్యార్థులు ఉత్సాహంగా పాల్గొన్నారు. గ్రంథాలయాధికారి మాట్లాడుతూ.. విద్యార్థులు గ్రంథాలయాలకు రావడం వల్ల విజ్ఞానం పెరుగుతుందని తెలిపారు.
SKLM: సంతబొమ్మాళి మండలంలోని కాశిపురం గ్రామంలో వైసీపీ కార్యకర్త గేదెల చంద్రరావు తండ్రి గేదెల తౌడు ఇటీవల అనారోగ్యంతో మరణించారు. ఈ విషయం తెలుసుకున్న టెక్కలి నియోజకవర్గం సమన్వయకర్త పేరాడ తిలక్ ఆదివారం వారి కుటుంబాన్ని పరామర్శించారు. తన ప్రగాఢ సానుభూతిని తెలిపారు. ఆయనతోపాటు మాజీ PACS చైర్మన్ నాగభూషణం, వైసీపీ కార్యకర్తలు ఉన్నారు.
NLR: కావలి డీఎస్పీ శ్రీధర్ ఆధ్వర్యంలో కావలి పట్టణంలో పోలీసులు హెల్మెట్ ధరించాలని ప్రజలకు అవగాహన కల్పించారు. డీఎస్పీ శ్రీధర్ మాట్లాడుతూ.. ద్విచక్ర వాహనదారులు తప్పనిసరిగా హెల్మెట్ ధరించాలని సూచించారు. హెల్మెట్ ధరించడం వల్ల మనల్ని మనం రక్షించుకున్నట్లే అవుతుందని, హెల్మెట్ ధరిస్తే ప్రమాదాల నుంచి బయటపడవచ్చని పేర్కొన్నారు.
AKP: నర్సీపట్నం శాఖ గ్రంథాలయంలో ఆదివారం గ్రంథాలయాధికారిణి దమయంతి ‘చదవడం మాకిష్టం’ కార్యక్రమం నిర్వహించారు. ఈ సందర్భంగా విద్యార్థులు చేత నీతి కథలు చదివించి, అందులో నీతిని వివరించారు. రిసోర్స్ పర్సన్స్ భవాని, కృష్ణవేణిలు చరిత్రలో కొన్ని ముఖ్య సంఘటనలు వివరించారు. అనంతరం విద్యార్థులకు కేకు పంచిపెట్టారు.
KRNL: కోడుమూరు ప్రభుత్వ జూనియర్ కళాశాలలో జువాలజీ సబ్జెక్టు బోధించేందుకు ఫ్యాకల్టీ పోస్టుకు అర్హులైన అభ్యర్థులు ఈ నెల 30న జరిగే ఇంటర్వ్యూలకు హాజరు కావాలని ప్రిన్సిపల్ పద్మావతి తెలిపారు. పీజీలో 50% మార్కులతో పాసైన అభ్యర్థులు అర్హులన్నారు. ఆసక్తి ఉన్న అభ్యర్థులు తమ ఒరిజినల్ సర్టిఫికెట్లతో కళాశాలలో జరిగే ఇంటర్వ్యూకు హాజరు కావాలని ప్రిన్సిపాల్ తెలిపారు.
SKLM: శ్రీకాకుళం జిల్లా ఇచ్ఛాపురం మండలంలోని తేలుకుంచి గ్రామానికి ప్రతి ఏటా విదేశీ పక్షులు వలస వస్తుంటాయి. జూన్ నెలలో ఇక్కడికి వచ్చే ఈ సైబీరియన్ ఫెలికాన్ పక్షులు జంటలుగా ఏర్పడి గుడ్లు పెడతాయి. తిరిగి 6 నెలల తర్వాత డిసెంబర్లో వాటి సంతతితో స్వదేశానికి వెళ్లిపోతాయి. వీటి తిరోగమనంతో ఊరిలో చెట్లు అన్ని బోసిపోతాయని స్థానికులు అంటున్నారు.
