E.G: రాజమండ్రి జేఎన్ రోడ్డులో హ్యాపీ స్ట్రీట్ దగ్గర్లో గల ఓ స్పా సెంటర్లో ఆదివారం రాత్రి ప్రకాష్‌నగర్ పోలీస్‌స్టేషన్ సీఐ బాజీలాల్ తనిఖీ చేశారు. అక్కడ వ్యభిచారం జరుగుతున్నట్టు గుర్తించి.. స్పా నిర్వాహకులు, ఇద్దరు విటులను ఆరుగురు బాధిత యువతులను గుర్తించారు. వారిని అదుపులోకి తీసుకుని స్టేషన్‌కు తరలించినట్లు సెంట్రల్ జోన్ డీఎస్పీ రమేష్ బాబు తెలిపారు.
NDL: నంద్యాలలోని కలెక్టరేట్ సెంటినరీ హాలులో సోమవారం ప్రజా ఫిర్యాదుల పరిష్కార వేదిక కార్యక్రమం నిర్వహిస్తున్నట్లు జిల్లా కలెక్టర్ రాజకుమారి ఆదివారం ఒక ప్రకటనలో తెలిపారు. ప్రజల నుంచి అర్జీలు స్వీకరిస్తామని చెప్పారు. సోమవారం ఉదయం 9-30 గంటలకు జిల్లాధికారులందరూ ప్రజా ఫిర్యాదుల పరిష్కార వేదిక కార్యక్రమంకు హాజరు కావాలని కలెక్టర్ తెలిపారు.
SKLM: వజ్రపుకొత్తూరు మండలం ఒంకులూరు సమీపంలో జరిగిన రోడ్డు ప్రమాదంలో కాశిబుగ్గ పట్టణానికి చెందిన శివ(24) మృతి చెందిన విషయం తెలిసిందే. మృతుడు కాశీబుగ్గ న్యూ కాలనీలో నివాసం ఉంటూ.. ఓ ప్రముఖ డాక్టర్ వద్ద కార్ డ్రైవర్గా విధులు నిర్వహిస్తున్నాడు. కొంతకాలం క్రితం తండ్రి, అక్క భర్త (బావ) మృతి చెందగా.. తల్లిని, సోదరిని పోషిస్తూ.. కుటుంబాన్ని నెట్టుకొస్తున్నాడు.
ELR: కలిదిండి మండలం కలిదిండి గ్రామంలో బీజేపీ పార్టీ మండల కమిటీ ఎన్నిక సమావేశం ఆదివారం ఎమ్మెల్యే కామినేని శ్రీనివాస్ ఆధ్వర్యంలో జరిగింది. ఈ సందర్భంగా కలిదిండి బీజేపీ మండలపార్టీ అధ్యక్షులుగా ఏకగ్రీవంగా ఎన్నికైన అంకాళ దుర్గ ప్రసాద్‌ని సభ్యులు ఎన్నుకున్నారు. అనంతరం ఎమ్మెల్యే ఆయనను అభినంధించి పార్టీ బలోపేతానికి కృషిచేయ్యాలన్నారు.
W.G: భీమడోలు మండలం గుండుగోలను కుండీల పేట శివారులో ఆదివారం జరుగుతున్న కోడిపందాలపై ఎస్ఐ సుధాకర్ తన సిబ్బందితో మెరుగు దాడి చేశారు. ఈ సందర్భంగా ఎస్ఐఐ మాట్లాడుతూ.. ఈ దాడిలో 7 ద్విచక్ర వాహనాలు, 9 మంది వ్యక్తులను అదుపులోకి తీసుకున్నామన్నారు. అలాగే 1 కోడిపుంజు, 2 కోడి కత్తులు, రూ.3500 నగదు స్వాధీన పరుచుకున్నామన్నారు. కేసు నమోదు చేసి దర్యాప్తు చేస్తున్నామన్నారు.
NDL: స్థానిక MLAల ఆధ్వర్యంలో జిల్లాలోని 8 అగ్రికల్చర్ మార్కెటింగ్ కమిటీ(AMC)ల నామినేటెడ్ ఛైర్మన్ పదవుల నియామకానికి కలెక్టర్ జీ.రాజకుమారి నోటిఫికేషన్ జారీ చేశారు. నంద్యాల (AMC)-OC ఉమెన్, ఆళ్లగడ్డ-SC ఉమెన్, డోన్-BC ఉమెన్, నందికొట్కూరు-OC జనరల్, ఆత్మకూరు-OC జనరల్, బనగానపల్లె-OC జనరల్, కోవెలకుంట్ల-OC జనరల్, పాణ్యం-BC ఉమెన్ ఉన్నట్లు పేర్కొన్నారు.
ASR: హుకుంపేట మండలంలోని ఎగరూడి గ్రామంలో పాఠశాల భవనం లేక విద్యార్థులు ఇబ్బందులు పడుతున్నారని తల్లిదండ్రులు తెలిపారు. నాడు నేడులో భాగంగా 2022-23 సంవత్సరంలో రూ.23 లక్షలు పాఠశాల నిర్మాణానికి మంజూరయ్య పిల్లర్ లెవెల్ వరకు నిర్మించి మధ్యలో నిలిచిపోయిందని తెలిపారు. దీంతో రేకుల షెడ్డులో విద్యా బోధనలు సాగుతుందని ఆవేదన వ్యక్తం చేస్తున్నారు.
VSP: కంచరపాలెం ప్రభుత్వ కెమికల్ ఇంజనీరింగ్ ఇనిస్టిట్యూట్ (గైస్)లో సోమవారం నుంచి ఫార్మా కంపెనీల్లో ప్రమాదాల నివారణపై నేషనల్ సింపోజియం నిర్వహిస్తున్నట్లు కళాశాల ప్రిన్సిపల్ డాక్టర్ వెంకటరమణ తెలిపారు. ఫైర్ సర్వీసెస్ పొల్యూషన్ కంట్రోల్ బోర్డ్ కార్మిక శాఖ సంయుక్తంగా రెండు రోజులు సింపోజియం నిర్వహిస్తున్నట్లు తెలిపారు.
VSP: సీతామ్మధారలో NRI హాస్పిటల్‌ను NRI కోటాలో పలు నిబంధనలతో సేల్ డీడ్ ద్వారా VMRDA కేటాయించిందని చైర్మన్ ప్రణవ్ గోపాల్ అన్నారు. 10- 20శాతం పేద రోగులకు ఉచితంగా వైద్యం అందించాలని నిబంధనలలో పేర్కొన్నామన్నారు. MVP కాలనీలో క్యాన్సర్ హాస్పిటల్ కూడా NRI కోటాలోనే కేటాయించామన్నారు. రెండు హాస్పిటల్స్‌లో అందుతున్న ఉచిత వైద్యంపై వివరణ ఇవ్వాలని నోటీసులు ఇచ్చారు.
W.G: తణుకు నియోజకవర్గం అత్తిలి మండలం బల్లిపాడు గ్రామానికి చెందిన బాలిక (17) పదో తరగతి చదివి ఇంటి వద్దే ఉంటోంది. ఈ నెల 26న బాలిక బయటకు వెళ్లి తిరిగి ఇంటికి రాలేదు. ఎంత వెతికినా ఆచూకీ లభ్యం కాకపోవడంతో ఆదివారం ఆమె తల్లి ఇచ్చిన ఫిర్యాదు మేరకు కేసు నమోదు చేసినట్లు ఎస్సై ప్రేమరాజు తెలిపారు.
సత్యసాయి: పెనుకొండ మండలం గుట్టూరు జిల్లా పరిషత్ ఉన్నత పాఠశాలలో 1988-89 సంవత్సరంలో 10వ తరగతి చదివిన విద్యార్థులు ఆదివారం పూర్వపు విద్యార్థుల సమ్మేళనం జరిగింది. ఈ సందర్భంగా ఒకరినొకరు ఆప్యాయతగా పలకరించుకొని బాగోగులు గురించి అడిగి తెలుసుకున్నారు. చిన్ననాటి జ్ఞాపకాలను గుర్తు చేసుకున్నారు. అనంతరం అప్పటి విద్యార్థి న్యాయవాదిగా స్థిరపడిన నాగరాజు అందరికీ విందును ఏర్పాటు చేశారు.
సత్యసాయి: జిల్లా కలెక్టరేట్లో సోమవారం ఉదయం ప్రజా ఫిర్యాదుల స్వీకరణ కార్యక్రమం నిర్వహిస్తున్నట్లు టీఎస్ చేతన్ పేర్కొన్నారు. సోమవారం ఉదయం 10:30 గంటల నుంచి మధ్యాహ్నం 2 గంటల వరకు జిల్లాలోని వివిధ ప్రాంతాలకు చెందిన ప్రజలతో వినతి పత్రాలు స్వీకరిస్తామని తెలిపారు. వాటిని సంబంధిత అధికారులకు పంపి పరిష్కరిస్తామని చెప్పారు.
E.G: నిడదవోలు మండలం డి.ముప్పవరంలో ఆదివారం వివాహిత ఆత్మహత్యకు పాల్పడింది. భార్యభర్తల మధ్య గొడవతో మనస్థాపానికి గురై భార్య ఆత్మహత్య చేసుకుంది. దీంతో మృతురాలి ఇద్దరు పిల్లలు అనాథలు అయ్యారు. తల్లిచనిపోయిందని తెలియని ఆ చిన్నారులు అమ్మకావాలని అంటుడటం అక్కడివారి కంట కన్నీరు తెప్పించింది. కాగా, ఘటనపై పోలీసులు కేసు నమోదు చేసి దర్యాప్తు చేస్తున్నారు.
E.G: కొత్తపేట విద్యుత్ సబ్ స్టేషన్ పరిధిలో 11కేవీ విద్యుత్ లైన్ల మరమ్మతుల పనుల్లో భాగంగా మండలంలోని మోడేకుర్రు, గొలకోటివారిపాలెం గ్రామాలకు సోమవారం ఉదయం 10 గంటల నుంచి సాయంత్రం 4 వరకు విద్యుత్ సరఫరా నిలిపివేస్తామని విద్యుత్ శాఖ ఈఈ ఎం. రవికుమార్ తెలిపారు. వినియోగదారులు విద్యుత్ సిబ్బందికి సహకరించాలని ఆయన కోరారు.
ఉమ్మడి శ్రీకాకుళం జిల్లా సీతంపేట ఏజెన్సీ అందాలను జిల్లా కలెక్టర్ శ్యామ్ ప్రసాద్ తన కుటుంబ సభ్యులతో కలిసి సందర్శించారు. ఈ సందర్భంగా ఆడలి వ్యూ పాయింట్, ఎన్టీఆర్ అడ్వాంచర్ పార్క్, బెనరాయి జలపాతాలను సందర్శించారు. ఎన్టీఆర్ అడ్వాంచర్ పార్క్ పలు సాహస క్రీడలను ఆస్వాదించారు. హ్యంగింగ్ బ్రిడ్జి, ఆర్చరీ, షూటింగ్ వంటి క్రీడలను చేసి ఆనందంగా గడిపారు.
