ATP: గుత్తి రైల్వే స్టేషన్ మేనేజర్ ద్విచక్ర వాహనం గుర్తుతెలియని దుండగులు ఎత్తుకెళ్లారు. బుధవారం సాయంత్రం గుత్తి రైల్వే బుకింగ్ కార్యాలయం ఎదుట తన వాహనాన్ని పార్కింగ్ చేసి వెళ్లారు. రాత్రి విధులు ముగించుకుని ఇంటికి వెళ్లడానికి బుకింగ్ కార్యాలయం వద్దకు వచ్చి చూస్తే వాహనం కనబడలేదు. దీంతో ద్విచక్ర వాహనం చోరికి గురైనట్టు గ్రహించి పోలీసులకు ఫిర్యాదు చేశారు.
ప్రకాశం: జిల్లాలో నిన్న ఒక్కరోజే నలుగురు మృతి చెందారు. పొన్నలూరులోని ముత్తరాజుపాలెం వద్ద ట్రాక్టర్ బోల్తాపడటంతో ఓ వ్యక్తి మృతి చెందగా, మార్కాపురంలో ఓ వ్యక్తి మద్యం సేవించి మృతి చెందాడు. ముండ్లమూరు మండలంలోని చంద్రగిరిలో ప్రమాదవశాత్తు కాలుజారటంతో కాలువలో పడి ఓ వ్యక్తి మృతి చెందాడు. మద్దిపాడులో సీతారాంపురం గ్రామనికి చెందిన వృద్ధుడు మనస్తాపంతో ఆత్మహత్య చేసుకున్నాడు.
ప్రకాశం: ఇంటర్ సెకండియర్ విద్యార్థులకు కాంపిటేటివ్ పరీక్షలకు శిక్షణ పొందటానికి ఎర్రగొండపాలెం ప్రభుత్వ జూనియర్ కళాశాలను ఎంపిక చేసినట్లుగా అధికారులు వెల్లడించారు. JEE, NEET, EAMCET, IIT పరీక్షలు ఇంటర్ సెకండియర్ విద్యార్థులకు ఉండటంతో ఆయా పరీక్షలకు శిక్షణ పొందే విద్యార్థులకు ఎర్రగొండపాలెం ప్రభుత్వ జూనియర్ కళాశాలలో శిక్షణ ఇస్తున్నారు.
బాపట్ల: ఇటీవల ప్రమాదవశాత్తూ మరణించిన వేటపాలెం మండలం అనుమల్లిపేటకి చెందిన జనసేన పార్టీ క్రియాశీల కార్యకర్త చల్లా పవన్ కళ్యాణ్ కుటుంబ సభ్యులకు పరిస సాయి, వినయ్ గౌడ్, పసుపులేటి సాయి తదితర జన సైనికులు బుధవారం 10వేల రూపాయల ఆర్థిక సాయం అందించారు. కళ్యాణ్ కుటుంబానికి జనసేన పార్టీ ఎల్లవేళలా, అన్ని విధాలా అండగా ఉంటుందని కూడా వారు హామీ ఇచ్చారు.
KRNL: జొన్నగిరి పోలీస్ స్టేషన్ నూతన సబ్ ఇన్‌స్పెక్టర్‌గా సి.మల్లికార్జున బుధవారం బాధ్యతలు స్వీకరించారు. ఈ సందర్భంగా ఎస్ఐ మాట్లాడుతూ.. శాంతిభద్రతల పరిరక్షణకు కృషి చేస్తామన్నారు. ఎవరైనా చట్టాన్ని అతిక్రమిస్తే కఠిన చర్యలు తీసుకుంటామన్నారు. ఇక్కడ పనిచేస్తున్న ఎస్ఐ జయశేఖర్ ఆదోని త్రీ టౌన్ పోలీసు స్టేషన్‌కు బదిలీపై వెళ్లారు.
కర్నూలు: వెల్దుర్తి, క్రిష్ణగిరి అంగన్వాడీ టీచర్స్ బుధవారం సీడీపీవో లుక్‌కు పని ఒత్తిడి తగ్గించాలని వినతి పత్రం అందజేశారు. వారు మాట్లాడుతూ.. బాల సంజీవని 2.0 కొత్త వర్షన్ నిబంధనలను అంగన్వాడీ యూనియన్లు వ్యతిరేకిస్తున్నామని తెలిపారు. రెగ్యులర్ ఉద్యోగస్తులకు అమలు చేయవలసిన పనులు అంగన్వాడీ సిబ్బందికి చెప్పడం పని ఒత్తిడి అవుతుందని తెలిపారు.
కర్నూలు: ఆదోని పట్టణంలో బుధవారం బార్ అసోసియేషన్ ఎన్నికలు రసవత్తరంగా జరిగాయి. ప్రెసిడెంట్‌గా వీ.శ్రీరాములు 101 మెజారిటీతో వైస్ ప్రెసిడెంట్‌గా జే వెంకటేశులు 186 మెజారిటీతో అలాగే జనరల్ సెక్రటరీ ఎల్ కె జీవన్ సింగ్ 109 మెజారిటీతో గెలుపొందారు. జాయింట్ సెక్రటరీగా పి రాజారత్నం 49 మెజారిటీతో ప్రత్యర్థులపై గెలుపొందారు. గెలుపొందిన వారికి బార్ అసోసియేషన్ సభ్యులు సన్మానించారు.
VZM: జిల్లా కలెక్టర్‌ బీ.ఆర్ అంబేద్కర్‌ను కలెక్టరేట్లో బుధవారం బొబ్బిలి మున్సిపల్ ప్లోర్ లీడర్, గెంబలి శ్రీనివాసరావు, కౌన్సిలర్ శరత్, బొత్స సురేష్ తదితరులు కలసి బొబ్బిలి మున్సిపల్ ఛైర్మన్ సావు వెంకట మురళీకృష్ణపై అవిశ్వాస తీర్మానం లేఖను అందజేశారు. ఈ సందర్బంగా వారు మాట్లాడుతూ.. ఈ లేఖలో 10మంది YCP అసమ్మతి, 10మంది TDP కౌన్సిలర్లు సంతకాలు చేశారన్నారు.
VZM: తెర్లాం మండలంలో సింగిరెడ్డివలస రెవిన్యూ పరిధిలో తోటపల్లి కాలువ నిర్మాణం చేపడితే పలు గ్రామాలకు సంబంధించి సుమారు 1500 – 2000 ఎకరాల భూమికి సాగునీటి సదుపాయం కల్పించవచ్చని రైతులు ఎమ్మెల్యేకు తెలిపారు. ఈ మేరకు బుధవారం ఆయన ఆ ప్రాంతాలను పరిశీలించి, ఇరిగేషన్ మంత్రికి తోటపల్లి కాలువ నిర్మాణ ఆవశ్యకతను వివరించి వీలైనంత త్వరగా మంజూరు చేసేలా ప్రయత్నిస్తానన్నారు.
GNTR: గుంటూరు, కృష్ణా జిల్లాల పట్టుభద్రుల ఎమ్మెల్సీగా ఆలపాటి రాజేంద్రప్రసాద్ బుధవారం ప్రమాణ స్వీకారం చేశారు. అమరావతిలో శాసనమండలి ఛైర్మన్ ఆలపాటి చేత ప్రమాణం చేయించారు. ఈ సందర్భంగా మంత్రి అచ్చెన్నాయుడు తదితర నేతలు రాజేంద్రప్రసాద్‌ని అభినందించారు. పట్టభద్రుల ఆకాంక్షలకు అనుగుణంగా పనిచేస్తానని ఆలపాటి వెల్లడించారు.
NLR: జలదంకి మండలం కృష్ణంపాడులో ఎక్సైజ్ అండ్ ప్రొహిబిషన్ అధికారులు దాడులు నిర్వహించారు. సీఐ సుంకర శ్రీనివాసులు సూచనల మేరకు ఎస్సై దేవిక సిబ్బందితో కలిసి తనిఖీలు చేశారు. అనధికారికంగా మద్యం విక్రయిస్తున్న గోని అశోక్‌ను అదుపులోకి తీసుకున్నారు. అతడి నుంచి పది మద్యం బాటిళ్లను స్వాధీనం చేసుకున్నారు. ఈ మేరకు నిందితుడిపై కేసు నమోదు చేశారు.
PPM: ఎమ్మెల్యే విజయ్ చంద్రతో రాష్ట్ర ఎంఈవో అసోషియేషన్ అధ్యక్షులు సాముల సింహాచలం బుధవారం మర్యాదపూర్వకంగా భేటీ అయ్యారు. ఈ సందర్భంగా ఎంఈవోలు ఎదుర్కొంటున్న సమస్యలను ప్రభుత్వం దృష్టికి తీసుకువెళ్లి వాటి పరిష్కారానికి కృషి చేయాలని వినతి పత్రాన్ని అందజేశారు. ఎమ్మెల్యే సానుకూలంగా స్పందించి, విద్యాశాఖ మంత్రి దృట్టికి తీసుకు వెళ్తానని హమీ ఇచ్చారు.
ASR: కొయ్యూరు ఎంపీడీవో కార్యాలయంలో బుధవారం నిర్వహించిన ఉన్నతి ప్రోగ్రాంకు 108మంది అభ్యర్థులు ఎంపికయ్యారని ఏపీవో టీ.అప్పలరాజు తెలిపారు. ఈ కార్యక్రమంలో ఎంపీడీవో ఎస్కేవీ ప్రసాద్, చింతపల్లి ఏపీడీ లాలం సీతయ్య పాల్గొని, మండలానికి చెందిన 10వ తరగతి పాసైన అభ్యర్థులను ఎంపిక చేశామన్నారు. ఎంపికైన అభ్యర్థులకు నైపుణ్య శిక్షణ అందించి, ఉద్యోగ అవకాశాలు కల్పిస్తామన్నారు.
ELR: ఏలూరు జిల్లా పరిషత్ కార్యాలయంలో ఉమ్మడి ప.గో.జిల్లా పరిషత్ చైర్‌పర్సన్ ఘంటా పద్మ శ్రీ ప్రసాద్ బుధవారం ఉంగుటూరు, దెందులూరు నియోజకవర్గల పంచాయతీ రాజ్ ఇంజనీర్ అధికారులతో సమావేశం నిర్వహించారు. ఈ సందర్భంగా జిల్లా పరిషత్ నుంచి విడుదల చేసిన పనుల పురోగతిపై వివరాలు అడిగి తెలుసుకున్నారు.
SKLM: విద్యకు కూటమి ప్రభుత్వం పెద్దపీట వేస్తుందని ఎమ్మెల్యే బగ్గు రమణమూర్తి అన్నారు. బుధవారం పోలాకి మండలం మబగాం జిల్లా పరిషత్ పాఠశాలలో ఏర్పాటు చేసిన వార్షికోత్సవ కార్యక్రమంలో ఆయన పాల్గొని మాట్లాడారు. పదవతరగతి పరీక్షలు వ్రాసి రిలీవ్ అవుతున్న విద్యార్థినీ విద్యార్థులు విద్యపై ప్రత్యేక దృష్టి సారించాలన్నారు.
