ATP: రెవెన్యూ సదస్సులలో సమస్యలను పారదర్శకంగా పరిష్కరించుకుని, అభివృద్ధి బాటలో నడవాలని జాయింట్ కలెక్టర్ శివనారాయణ్ శర్మ పేర్కొన్నారు. మంగళవారం గుత్తి మండలం ధర్మాపురంలో నిర్వహించిన రెవెన్యూ సదస్సులో ఆయన పాల్గొన్నారు. ఈ సదస్సుల ద్వారా రైతులకు ప్రభుత్వం అందిస్తున్న సేవలను వివరించారు. రైతులందరూ పరస్పర సహకారంతో గ్రామంలోని సమస్యలను పరిష్కరించుకోవాలన్నారు.
ELR: కోడిపందాలు నిర్వహించడం నేరమని, నిబంధనలు అతిక్రమించిన వారిపై కేసులు నమోదు చేయాలని జిల్లా కలెక్టర్ కె. వెట్రిసెల్వి అధికారులను ఆదేశించారు. కలెక్టర్ ఛాంబర్‌లో మంగళవారం కోడిపందాల నిషేధ పోస్టర్‌ను కలెక్టర్ ఆవిష్కరించారు. కలెక్టర్ మాట్లాడుతూ.. సంక్రాంతి సమయంలో జిల్లాలో చట్టవిరుద్ధమైన కోడిపందాలను నిషేధించడానికి ప్రయత్నం చేయాలని పిలుపునిచ్చారు.
ELR: ఉంగుటూరు మండలం గోపీనాథపట్నం గ్రామంలో వేంచేసియున్న శ్రీ భక్తాంజనేయ స్వామి వారి క్షేత్రంలో బుధవారం వైకుంఠ ముక్కోటి ఏకాదశి ఉత్సవాలు నిర్వహించనున్నట్లు ఉత్సవ కమిటీ చైర్మన్, మాజీ మంత్రి కొట్టు సత్యనారాయణ తెలిపారు. మంగళవారం సాయంత్రం ఉంగుటూరులో ఆయన ఒక ప్రకటన విడుదల చేశారు. బుధవారం ఉదయం 10:15 గంటలకు కలశ స్థాపనతో ఉత్సవాలు ప్రారంభమవుతాయన్నారు.
ELR: నూతనంగా ఎన్నికైన జిల్లా సమాఖ్య, జిల్లా పాలకవర్గ సభ్యులు మంగళవారం జిల్లా కలెక్టర్ వెట్రిసెల్విని మర్యాదపూర్వకంగా కలిశారు. ఈ సందర్భంగా కలెక్టర్ మాట్లాడుతూ.. స్వయం సహాయక సంఘ సభ్యులు తయారు చేసే ఉత్పత్తులు e-commerce (ONDC) ద్వారా మార్కెటింగ్ జరిగేలా చూడాలని, ఉల్లాస్ కార్యక్రమంలో పాల్గొని వయోజన విద్య కోసం మరింత కృషి చేయాలన్నారు.
NTR: గీత కార్మికుడు మృతి చెందిన జగ్గయ్యపేట మండలంలో చోటు చేసుకుంది. మండలంలోని షేక్ మొహమ్మద్ పేటలో తాటి చెట్టుపై నుంచి ప్రమాదవశాత్తు కిందపడి గీత కార్మికుడు చలమయ్య మరణించారు. ఘటనా స్థలానికి చేరుకున్న పోలీసులు కేసు నమోదు చేసుకొని దర్యాప్తు చేపట్టారు. బాధిత కుటుంబసభ్యులు కన్నీరు మున్నీరుగా విలపిస్తున్నారు.
KKD: జిల్లా పోలీస్ ఆర్మ్‌డ్ రిజర్వ్ గ్రౌండ్‌లో 6వ రోజు పోలీస్ కానిస్టేబుల్ పురుష అభ్యర్థుల దేహదారుఢ్య పరీక్షలు ప్రారంభమయ్యాయి. సోమవారం జిల్లా ఎస్పీ విక్రాంత్ పాటిల్ ఆధ్వర్యంలో రిక్రూట్‌మెంట్ ప్రక్రియ ఆంధ్రప్రదేశ్ పోలీస్ రిక్రూట్‌మెంట్ బోర్డ్ నియమ, నిబంధనల ప్రకారం సాంకేతిక పరిజ్ఞానంతో పారదర్శకంగా నిర్వహిస్తున్నారు.
కృష్ణా: తమ ఆరోగ్య స్థితిగతులను దృష్టిలో పెట్టుకుని దేహదారుఢ్య పరీక్షలకు హాజరు కావాలని జిల్లా ఎస్పీ ఆర్. గంగాధరరావు కానిస్టేబుల్ అభ్యర్థులను కోరారు. ఆరోగ్య సమస్యల కారణంగా కాల్ లెటర్లో తెలిపిన తేదీన దేహదారుఢ్య పరీక్షలలో పాల్గొనలేకపోతే అలాంటి వారు జిల్లా ఎస్పీ తమ సమస్యను విన్నవించుకొని తదుపరి తేదీ మార్చుకొనుటకు అనుమతి పొందే అవకాశం ఉందన్నారు.
E.G: గత మూడు రోజులుగా వేతన ఒప్పందం కోసం న్యాయమైన డిమాండ్స్ కోసం పేపర్ మిల్ కార్మికులు సమ్మె చేస్తున్నా యాజమాన్యం, ప్రభుత్వం మొండి వైఖరి అవలంబిస్తుందని దీనిని తీవ్రంగా ఖండిస్తున్నామని సీపీఐ జిల్లా కార్యదర్శి తాటిపాక మధు పేర్కొన్నారు. ఈ మేరకు రాజమండ్రిలో సోమవారం ఆయన మాట్లాడుతూ.. ఆంధ్ర పేపర్ మిల్ యాజమాన్యం కార్మికుల జీవితాలతో చెలగాటమాడుతుందని ఆరోపించారు.
NTR: జిల్లాలో ఇసుక అక్రమ రవాణాపై మైనింగ్ శాఖ అధికారులు పంజా విసిరారు. నందిగామ మండలం కంచల ఇసుక రీచ్ నుంచి నిబంధనలకు విరుద్ధంగా ఓవర్ లోడుతో ఇసుకను అక్రమంగా రవాణా చేస్తున్నారన్న సమాచారంతో మైనింగ్ శాఖ అధికారులు మెరుపు దాడులు నిర్వహించారు. దాడుల్లో భాగంగా 4 ఇసుక లారీలు, 2 జేసీబీలను స్వాధీనం చేసుకొని కంచికచర్ల పోలీసులకు అప్పగించారు.
ASR: అనంతగిరి మండలంలోని ఎన్ఆర్.పురం పంచాయతీ పరిధి నాయుడువలస గ్రామంలో మంచినీటి సమస్య పరిష్కరించాలని గిరిజనులు డిమాండ్ చేస్తున్నారు. గ్రామంలో సరైన తాగునీటి సౌకర్యం లేక సమీపంలోని కొండ ఊటల ద్వారా కొంచెం కొంచెం నీటితో తమ అవసరాలకు వినియోగించుకుంటున్నామని గిరిజనులు సోమవారం తెలిపారు. అధికారులు స్పందించాలని వేడుకుంటున్నారు.
ప్రకాశం: పర్చూరు అగ్ని ప్రమాదం పై మంత్రి గొట్టిపాటి రవికుమార్ దిగ్భ్రాంతి వ్యక్తం చేశారు. షార్ట్ సర్క్యూట్ కారణంగా అక్కాచెల్లెళ్లు చనిపోవడం బాధాకరమని అన్నారు. క్షతగాత్రులకు మెరుగైన వైద్యం అందించాలని అధికారులను ఆదేశించారు. బాధిత కుటుంబానికి ప్రభుత్వం అండగా ఉంటుంది అని చెప్పారు. ప్రమాద ఘటన పై అధికారులతో గొట్టిపాటి మాట్లాడారు.
NTR: జగ్గయ్యపేట పట్టణ పోలీస్ స్టేషన్ పరిధిలో ఉన్నటువంటి రౌడీ షీటర్లకు ఆదివారం జగ్గయ్యపేట పట్టణ పోలీస్ స్టేషన్ ఎస్సై రాజు కౌన్సెలింగ్ ఇచ్చారు. ఈ సందర్భంగా ఆయన రౌడీషీటర్లను ఉద్దేశించి మాట్లాడుతూ.. అసాంఘిక కార్యకలాపాలకు పాల్పడిన లేదా వాటిని ప్రోత్సహించిన కఠిన చర్యలు తీసుకోవడం జరుగుతుందని అలాగే సంఘ విద్రోహకర సంఘటనల్లో పాల్గొన్న ఉపేక్షించే ప్రసక్తే లేదని హెచ్చరించారు.
కృష్ణా: ఐదేళ్ల చిన్నారిపై ఓ కామాంధుడు అత్యాచారం చేసిన ఘటనలో కీలక విషయాలు వెలుగులోకి వచ్చాయి. గుడివాడలో ఓ దంపతులకు ఐదుగురు అమ్మాయిలు. వారి ఇంటి ముందు ఉండే జోజిబాబు(42) ఓ రైసు మిల్లులో కార్మికుడిగా పనిచేస్తుంటాడు. ఇతడికి చిన్నారి తల్లిదండ్రులే రోజూ అన్నం పెట్టేవారు. శనివారం ఇంట్లో ఎవరూ లేని సమయంలో నిద్రపోతున్న చిన్నారిపై బోజిబాబు అత్యాచారం చేశాడు.
కృష్ణా: పాలకాయతిప్ప మెరైన్ ఎస్సైగా పూర్ణ మాధురి ఆదివారం బాధ్యతలు చేపట్టారు. ఇప్పటివరకు బాధ్యతలు నిర్వహిస్తున్న ఏకే జిలాని రిటైర్మెంట్ కోసం ఏలూరు రేంజ్‌కు రిపోర్ట్ చేయగా బంటుమిల్లి శివారు వర్ణ గొంది తిప్ప ఎస్సైగా బాధ్యతలు నిర్వహిస్తున్న పూర్ణ మాధురి పాలకాయ తిప్పకు బదిలీపై వచ్చారు. ఈ సందర్భంగా మెరైన్ సిబ్బంది ఎస్సైకు స్వాగతం పలికి ప్రత్యేక అభినందనలు తెలియజేశారు.
కృష్ణా: దుర్గగుడి సమీపంలోని కనకదుర్గ నగర్ రోడ్డు వెంబడి ఉన్న ఆక్రమణలను ఆదివారం పోలీసులు తొలగించారు. ఆక్రమణల తొలగింపులో వెస్ట్ డివిజన్ ఏసీపీ దుర్గరావు, 1టౌన్ ఇన్‌స్పెక్టర్ గురు ప్రకాశ్, ఇతర సిబ్బంది పాల్గొన్నారు. నగరంలో ట్రాఫిక్ క్రమబద్దీకరణలో భాగంగా ఆదివారం దుర్గగుడి సమీపంలో ఆక్రమణలు తొలగించామని ఏసీపీ దుర్గరావు చెప్పారు.
