Election Commission : ఆంధ్రప్రదేశ్‌లో ఎన్నికల సంఘం ఓటర్ల తుది జాబితాను ఈరోజు విడుదల చేసింది. నియోజకవర్గాల వారీగా ఓటర్ల జాబితాను వెబ్‌సైట్‌లో పొందుపరిచారు. గతేడాది విడుదల చేసిన ఓటర్ల జాబితాలో జీరో డోర్ నంబర్ ఓట్లు, డూప్లికేట్ ఓట్లపై భారీగా ఫిర్యాదులు వచ్చాయి. ఇటీవల కూడా ఎన్నికల సంఘం అధికారులు ఆంధ్రప్రదేశ్‌లో పర్యటించినప్పుడు చంద్రబాబు, పవన్‌కల్యాణ్‌లు అధికారులతో సమావేశమై ఓటరు జాబితాలో జరిగిన అవకతవకల గురించి చెప్పారు. దీంతో ప్రత్యేక శ్రద్ధ తీసుకున్న అధికారులు దొంగ ఓట్లను తొలగించి కొత్త జాబితాను వెబ్‌సైట్‌లో పొందారు. క్రింది లింక్‌పై క్లిక్ చేసి, మీ ఓటు అందుబాటులో ఉందో లేదో తనిఖీ చేయండి https://electoralsearch.eci.gov.in.
