Allagadda: Assassination attempt on former minister's bodyguard
Allagadda: మాజీ మంత్రి భూమా అఖిలప్రియ బాడీగార్డ్‌పై హత్యాయత్నం జరిగింది. నంద్యాల జిల్లా ఆళ్లగడ్డలో తన నివాసం దగ్గర నిన్న రాత్రి బాడీగార్డ్ నిఖిల్‌పై హత్యాయత్నం ఘటన జరిగింది. అఖిలప్రియ ఇంటి ముందు నిఖిల్ నిల్చుని ఉండగా.. కారుతో దుండగులు ఆయన్ని ఢీకొట్టారు. ఆ తర్వాత ముగ్గురు వ్యక్తులు మారణాయుధాలతో దాడి చేశారు. వారి నుంచి తప్పించుకుని నిఖిల్ అఖిలప్రియ ఇంట్లోకి వెళ్లిపోయారు. తీవ్రగాయాలతో ఉన్న అతన్ని నంద్యాలలోని ఆసుపత్రికి తరలించారు.
ఇది కూడా చూడండి: rakhi sawant : గుండె నొప్పితో ఆసుపత్రిలో చేరిన రాఖీ సావంత్‌
టీడీపీ జాతీయ ప్రధాన కార్యదర్శి నారా లోకేశ్ గతంలో యువగళం పాదయాత్ర చేపట్టిన సంగతి తెలిసిందే. అయితే ఆ సమయంలో నంద్యాలలో టీడీపీ నేత ఏవీ సుబ్బారెడ్డిపై నిఖిల్ దాడి చేశాడు. దానిని మనసులో పెట్టుకుని అతని మనుసులే తిరిగి దాడికి పాల్పడినట్లు పోలీసులు అంచనా వేస్తున్నారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. ఏవీ సుబ్బారెడ్డి, చంద్రతో పాటు మరో నలుగురిపై ఆళ్లగడ్డ పోలీసు స్టేషన్‌లో కేసు నమోదు చేశారు. అలాగే నేతల ఇంటివద్ద పోలీసు బందోబస్తు కూడా ఏర్పాటు చేశారు.
ఇది కూడా చూడండి: Home Remedies: ఇంటిని శుభ్రం చేయడానికి సహజ పద్ధతులు
