శ్రీకాకుళం: పాలకొండ ప్రభుత్వ ఉన్నత పాఠశాలలో జాతీయ గ్రంథాలయ వారోత్సవాల ముగింపు కార్యక్రమం గురువారం నిర్వహించినట్లు హెచ్ఎం మీసాల సూర్యనారాయణ తెలిపారు. ఈనెల 14 నుంచి 21వ తేదీ వరకు ఈ గ్రంథాలయ వారోత్సవాలు నిర్వహించామని అన్నారు. గ్రంథాలయాల ప్రాముఖ్యతపై వ్యాసరచన పోటీలు, డ్రాయింగ్ పోటీలు, శతక పద్యాల కంఠస్థ పోటీలు నిర్వహించినట్లు సంస్కృత ఉపాధ్యాయులు బి.శంకర్రావు తెలిపారు.
