సమ్మర్‌ సీజన్లో భారీ అంచనాల మధ్య ఏప్రిల్ 28న గ్రాండ్‌గా రిలీజ్ అయింది ఏజెంట్ సినిమా(Agent Movie). కానీ ఫస్ట్ షో నుంచే ఏజెంట్ మిషన్ ఫెయిల్ అయిపోయింది. రోజు రోజుకి ఈ సినిమాకు దారుణమైన వసూళ్లు వస్తున్నాయి. ప్రపంచ వ్యాప్తంగా మూడు రోజుల్లో కేవలం 6 కోట్లకు పైగా షేర్.. 11 కోట్లకు గ్రాస్ వసూళ్లను రాబటినట్టు తెలుస్తోంది. దాంతో ఇప్పట్లో ఏజెంట్(Agent) కోలుకునే పరిస్థితి లేదని చెప్పొచ్చు. ఈ సినిమాను ఏకె ఎంటర్టైన్మెంట్స్ బ్యానర్ పై అనిల్ సుంకర (Anil Sunkara) భారీ బడ్జెట్‌తో నిర్మించారు. అస్సలు అఖిల్ (Akhil) మార్కెట్‌ను ఏ మాత్రం పట్టించుకోకుండా.. సురేందర్ రెడ్డి (Surendar Reddy) ఉన్న నమ్మకంతో దాదాపు 80 కోట్ల బడ్జెట్‌తో ఏజెంట్‌ను నిర్మించారు. కానీ ఇప్పుడు ఏజెంట్ పరిస్థితి దారుణాతి దారుణంగా ఉంది.
చదవండి: Actress Shriya: ఇదే ప్రశ్న హీరోలను అడిగే ధైర్యం ఉందా.. శ్రియ ఫైర్
37 కోట్ల బ్రేక్ ఈవెన్‌తో బరిలోకి దిగిన ఏజెంట్(Agent Movie).. కనీసం పది కోట్లు కూడా రాబట్టే ఛాన్సెస్ లేవు. దాంతో అనిల్ సుంకరకు ఇది కోలుకోలేని ఎదురు దెబ్బేనని చెప్పొచ్చు. ఏజెంట్ నాన్ థియేట్రిక‌ల్ రైట్స్.. అంటే డిజిటల్, శాటిలైర్ రైట్స్ క‌లుపుకున్నా.. అనిల్ (Anil Sunkara)కు భారీ న‌ష్టం త‌ప్పేలా లేదంటున్నారు. ఎంతో ప్యాషన్‌తో సినిమాలను నిర్మిస్తున్న అనిల్ సుంకర.. యుఎస్‌లో వ్యాపారం చేస్తూ.. డిస్ట్రిబ్యూష‌న్లోకి అడుగు పెట్టి, ఆ తర్వాత 14 రీల్స్ అధినేత‌ల‌తో క‌లిసి సినిమాలు నిర్మించాడు. ఆ తర్వాత ఏకే ఎంటర్టైన్మెంట్స్ అంటూ.. సొంత బ్యానర్ పై సినిమాలు చేస్తున్నారు. అలాంటి ప్రొడ్యూసర్‌ను ఏజెంట్ సినిమా.. నట్టేట ముంచేసిందనే చెప్పాలి.
