అక్కినేని హీరో నాగ చైతన్య ‘కస్టడీ’ అనే సినిమాతో ప్రేక్షకుల ముందుకు రానున్నాడు. ఈ సినిమాలో హీరోయిన్ గా కృతి శెట్టి నటిస్తోంది. భారీ అంచనాల మధ్య ‘కస్టడీ’ సినిమా తెరకెక్కుతోంది. తాజాగా ఈ సినిమాకు సంబంధించిన టైటిల్ పోస్టర్ ను చిత్ర యూనిట్ విడుదల చేసింది. చిట్టూరి శ్రీనివాస్ ఈ సినిమాను నిర్మిస్తుండగా వెంకట్ ప్రభు ఈ మూవీకి దర్శకత్వం వహిస్తున్నారు. అటు తెలుగు, ఇటు తమిళ భాషల్లో ఈ సినిమా విడుదల కానుంది. మే 12వ తేదిన ఈ సినిమాను రిలీజ్ చేయనున్నట్లు చిత్ర యూనిట్ తెలిపింది.
తాజాగా ఈ సినిమాకు సంబంధించి కృతి శెట్టి పోస్టర్ ను చిత్ర యూనిట్ విడుదల చేసింది. మూవీలో ‘రేవతి’ పాత్రలో ఈ ముద్దుగుమ్మ కనిపించనుంది. రిలీజ్ చేసిన పోస్టర్ లో కృతి ఎంతో ఆవేదనతో, ఆందోళనతో ఉన్నట్లు కనిపిస్తోంది. ఆమె ఆందోళనకు కారణం ఏమై ఉంటుందని ప్రేక్షకులను ఆలోచింపజేసేలా పోస్టర్ ఉంది. ఇకపోతే ఈ సినిమాకు ఇళయరాజా సంగీతాన్ని అందిస్తున్నారు. ఈ మూవీలో శరత్ కుమార్ ఓ ముఖ్య పాత్రలో నటిస్తున్నారు. ‘బంగార్రాజు’ సినిమా తర్వాత చైతూ, కృతి శెట్టి కాంబోలో ఈ సినిమా రాబోతోంది. అందుకే అందరిలోనూ ఈ సినిమాపై మరింత ఆసక్తి పెరిగిందనే చెప్పాలి. ఈ మూవీ హిట్ సాధించడం ఈ ఇద్దరికీ ఎంతో ముఖ్యం. గత కొన్ని రోజులుగా చైతూ సినిమాలు భారీ సక్సెస్ ను చూడలేదు. అయితే ఆయన సినిమాలు వరుస ఫ్లాపులు ఉండటం వల్ల కొంత గ్యాప్ తీసుకుని ఈ సినిమా చేస్తున్నారు. ఇక వరుస ఫ్లాపులతో ఉన్న కృతికి కూడా ఈ సినిమా హిట్ అవ్వడం ఎంతో అవసరం.
