తమన్ సినిమాల్లో ముఖ్యంగా చెప్పుకోవాల్సింది అఖండనే. ఈ సినిమాకు తమన్ ఇచ్చిన బ్యాక్ గ్రౌండ్ స్కోర్ దెబ్బకు.. అమెరికాలో థియేటర్ల బాక్సులు పగిలిపోయాయి. అప్పటి నుంచి ఇటు బాలయ్య, అటు బోయపాటికి తమన్ మ్యూజిక్ ఇస్తున్నాడంటే.. అంచనాలు వేరే లెవల్లో ఉంటున్నాయి. సంక్రాంతికి వచ్చిన వీరసింహారెడ్డి సినిమాతో మరోసారి దుమ్ముదులిపేశాడు తమన్. ఇక ఇప్పుడు బోయపాటితో కలిసి ఊరమాస్ బీట్స్‌తో రాబోతున్నాడు. అయితే తమన్.. ఫలానా ట్యూన్‌ను అక్కడి నుంచి, ఇక్కడి నుంచి కాపీ కొట్టేశాడంటూ నెటిజన్స్ కామెంట్స్ చేస్తునే ఉంటారు. తాజాగా రామ్, బోయపాటి టీజర్‌లో వచ్చిన ట్రాక్‌ను కూడా కాపీ కొట్టాడని అంటున్నారు నెటిజన్స్.
ట్రోలర్స్ రిలీజ్ చేసిన వీడియో:
Thaman anna is back 🔥#BoyapatiRAPO #Thaman #tfi #PathuThala #ARRahman pic.twitter.com/94nN13BENh
— Umesh Chandra (@chesh357) May 15, 2023
చదవండి: Prabash: ప్రభాస్ ఫ్యాన్స్‌కు పండగే.. ‘ఆదిపురుష్‌’తో పాటే ‘సలార్’ టీజర్!
రామ్ పోతినేని బర్త్ డే సందర్భంగా.. ఫస్ట్ థండర్‌ని రిలీజ్ చేయగా అదిరిపోయేలా ఉంది. బోయపాటి స్టైల్లో ఉండే హీరో ఎలివేషన్ ఓ రేంజ్‌లో ఉంది. అయితే ఆ ఎలివేషన్‌ను బ్యాగ్రౌండ్ స్కోర్ మరింత హైప్ ఇచ్చింది. తమన్ మాస్ బీట్‌కు రామ్ ఫ్యాన్స్ మాస్ స్టెప్పులెస్తున్నారు. కానీ ఈ బీట్.. తమిళ్ హీరో విజయ్ ‘వేటైకారన్’ సినిమాలోని ఓ సాంగ్‌లా ఉందని అంటున్నారు. ఈ రెండు సాంగ్స్‌ని పక్క పక్కనే పెట్టి.. కింగ్ సినిమాలోని బ్రహ్మీ కామెడీ వీడియోత తమన్‌ను ట్రోల్ చేస్తున్నారు. అయితే తమన్‌కు ఇలాంటివి కొత్త కాబట్టి.. లైట్ అనే చెప్పాలి. ఇకపోతే పవర్ స్టార్, బాలయ్య, మహేష్, చరణ్ లాంటి స్టార్ హీరోలందరి సినిమాలకు తమన్ సంగీతం అందిస్తున్నాడు.
