ప్రభాస్ నటిస్తున్న పాన్ ఇండియా సినిమాల్లో.. ముందుగా జూన్ 16న ఆదిపురుష్ ఆడియెన్స్ ముందుకి రాబోతోంది. రీసెంట్‌గా రిలీజ్ అయిన ఆదిపురుష్ ట్రైలర్ సినిమా పై అంచనాలను పీక్స్‌కు తీసుకెళ్లింది. రామాయాణం ఆధారంగా బాలీవుడ్ డైరెక్టర్ ఓం రౌత్ ఈ సినిమాను విజువల్ వండర్‌గా తెరకెక్కిస్తున్నాడు. ఇక ఆదిపురుష్ తర్వాత మాస్ సినిమాల్లో హిస్టీరియా క్రియేట్ చేసేలా రాబోతోంది సలార్ మూవీ. ప్రశాంత్ నీల్ ఈ సినిమాను హై ఓల్టేజ్ యాక్షన్ ఎంటర్టైనర్‌గా తెరకెక్కిస్తున్నాడు. అయితే ఇప్పటి వరకు సలార్ నుంచి జస్ట్ కొన్ని లుక్స్ మాత్రమే రిలీజ్ చేశారు. మసి పూసికొని మాస్ జాతరకు రెడీ అవుతున్న ప్రభాస్ కటౌట్.. సలార్ ఎక్స్‌పెక్టేషన్స్‌ను నెక్స్ట్ లెవల్‌కి తీసుకెళ్లింది.
చదవండి: Nenu student sir Movie: ‘నేను స్టూడెంట్ సర్’ నుంచి బీట్ సాంగ్ రిలీజ్
ఇక సలార్ నుంచి ఒక్క టీజర్ బయటికొస్తే చూడాలని ఈగర్‌గా వెయిట్ చేస్తున్నారు అభిమానులు. కానీ ఆదిపురుష్ రిలీజ్ వరకు మరో సినిమా అప్డేట్ వద్దంటున్నాడు డార్లింగ్. ఎందుకంటే ఆదిపురుష్ పై ఉన్న హైప్ కాస్త తగ్గుతుందని భావిస్తున్నాడు. అందుకే ఆదిపురుష్ రిలీజ్ తర్వాతే ఏదైనా అని అంటున్నాడు. కానీ ఇప్పుడు ఆదిపురుష్ ట్రైలర్‌కు మంచి రెస్పాన్స్ రావడంతో.. ప్రభాస్ మైండ్ మారినట్టు తెలుస్తోంది. ఆదిపురుష్‌తో పాటే థియేటర్లో సలార్ టీజర్ రిలీజ్‌కు ప్లాన్ చేస్తున్నారనే న్యూస్ వైరల్‌గా మారింది. ఇదే నిజమైతే.. ప్రభాస్ ఫ్యాన్స్‌కు డబుల్ డోస్ అదిరిపోతుంది.. ఆదిపురుష్ పై మరింత హైప్ రావడం పక్కా. అయితే ఇంకా దీనిపై క్లారిటీ రావాల్సి ఉంది.
