ఇన్ని రోజులు లేట్ అయిందేమో గానీ.. ప్రస్తుతం ఎస్ఎస్ఎంబీ 28 షూటింగ్ స్పీడ్ జెట్ స్పీడ్‌లో దూసుకుపోతోంది. ఇప్పటికే సమ్మర్‌లో రావాల్సిన ఈ సినిమా.. ఆగష్టుకి షిఫ్ట్ అయింది. అందుకే ఎట్టి పరిస్థితుల్లోను ఆగష్టు 11నే, ఈ సినిమాను ఆడియెన్స్ ముందుకు తీసుకురావాలనే పట్టుదలతో ఉన్నారు మేకర్స్. మహేష్ బాబు కూడా నెక్స్ట్ రాజమౌళి ప్రాజెక్ట్‌లో జాయిన్ అవాల్సి ఉంది. అందుకే మాటల మాంత్రికుడు త్రివిక్రమ్ ఎస్ఎస్ఎంబీ 28ని పరుగులు పెట్టిస్తున్నాడు. ఏప్రిల్ నెలాఖరుకు వరకు పాటలు, ఒక ఫైట్ మినహా.. మిగతా టాకీ పార్ట్ అంతా కంప్లీట్ చేసేలా షూటింగ్ చేస్తున్నారట. అయితే ముందు నుంచి ఈ సినిమాను హై ఓల్టేజ్ యాక్షన్ ఎంటర్టైనర్‌గా తెరకెక్కిస్తున్నారనే టాక్ ఉంది. ఇప్పటికే మహేష్ బాబు జిమ్‌లో కసరత్తులు చేస్తున్న వర్కౌట్ ఫోటోస్ చూశాం. దాంతో ఎస్ఎస్ఎంబీ 28లో యాక్షన్ డోస్ ఎక్కువగా ఉంటుందనే గట్టి నమ్మకంతో ఉన్నారు అభిమానులు. ఈసారి త్రివిక్రమ్ నుంచి భారీ ఫైట్స్ ఎక్స్‌పెక్ట్ చేస్తున్నారు. అందుకు తగ్గట్టే.. త్రివిక్రమ్ స్టైల్లో ఆ సీక్వెన్స్ నెక్స్ట్ లెవల్లో ఉంటాయని అంటున్నారు. కాకపోతే ఈ సినిమాలో మొత్తం మూడు ఫైట్లు మాత్రమే ఉంటాయని తెలుస్తోంది. అయినా యాక్షన్ కాస్త ఎక్కువే కావాలంటున్నారు ఫ్యాన్స్. ఇక.. పూజా హెగ్డేతో పాటు యంగ్‌ బ్యూటీ శ్రీలీల హీరోయిన్లుగా నటిస్తున్న ఈ సినిమాను.. హారిక అండ్ హాసిని క్రియేషన్స్ పతాకంపై సూర్యదేవర రాధాకృష్ణ నిర్మిస్తున్నారు.. తమన్ సంగీతం అందిస్తున్నాడు. అతడు, ఖలేజా తర్వాత మహేష్, త్రివిక్రమ్ కాంబోలో వస్తున్న హ్యాట్రిక్ ఫిల్మ్ ఇది. అందుకే భారీ అంచనాలున్నాయి.
