ట్రెండ్ ఫోలో అవడం వరకు బాగానే ఉంది.. కానీ ట్రెండ్ పేరుతో మహేష్ బాబు రేంజ్‌ను మరిచిపోతున్నారా? అనేదే ఇప్పుడు అర్థం కాకుండా ఉంది. మహేష్ బాబు లేటెస్ట్ ఫిల్మ్ ‘గుంటూరు కారం’ జనవరి 12న రిలీజ్‌కు రెడీ అవుతోంది. ఇప్పటికే ప్రమోషన్స్ స్టార్ట్ చేసిన మేకర్స్.. తాజాగా మాస్‌ బీట్ అంటూ ‘కుర్చీ మడతపెట్టి’ సాంగ్ ప్రోమోను విడుదల చేశారు. ఇక ‘కుర్చీ మడతపెట్టి’ అనే డైలాగ్ వినగానే సోషల్ మీడియాలో డ్యూటీ ఎక్కేశారు మహేష్ ఫ్యాన్స్. అసలు అలాంటి డైలాగ్‌తో మహేష్‌తో సాంగ్ ఏంటి? అని అభిమానులు ఆవేదన వ్యక్తం చేస్తున్నారు. ఎందుకంటే.. కుర్చీ మడత పెట్టి అనేది ఒక బూతు డైలాగ్, ఈ డైలాగ్‌తో కుర్చీ తాతగా ఏదో యూట్యూబ్ ఛానల్‌తో చాలా ఫేమస్ అయిపోయాడు ఓ ఓల్డ్ మ్యాన్. అలాంటి దాన్ని తీసుకొచ్చి మహేష్ సాంగ్‌కి మొదటి పదంగా పెట్టడాన్ని ఫ్యాన్స్ తట్టుకోలేక పోతున్నారు.
చదవండి: మహేష్-రాజమౌళి కోసం 100 కోట్ల సెట్?
దీంతో ఈ సినిమాకు సంగీతం అందిస్తున్న థమన్, లిరిక్స్ రాసిన రామజోగయ్య శాస్త్రి సహా.. లిరిక్స్ ఓకే చేసిన త్రివిక్రమ్ మీద ఫైర్ అవుతూ.. ఒరేయ్ ఏంట్రా ఇది? అంటూ సోషల్ మీడియాలో ట్రెండ్ చేస్తున్నారు. సినిమా సంగతి పక్కన పెడితే.. పాటలతో మహేష్ బాబు ఇమేజ్ డ్యామేజ్ చేసేలా ఉన్నారు.. ఇలాంటి పాటలు ఎందుకు చేస్తున్నారు.. అంటూ మండిపడుతున్నారు. ఇదే కాదు.. ఇటీవల గుంటూరు కారం నుంచి రెండో పాటగా వచ్చిన ఓ మై బేబీ విషయంలోను ఇదే విధంగా ఫైర్ అయ్యారు.
చదవండి: Brahmanandam: ఆత్మకథ రాసిన బ్రహ్మానందం.. సన్మానించిన మెగాస్టార్
మహేష్ ఫ్యాన్స్‌కి రామజోగయ్య శాస్త్రికి మాటల యుద్ధం జరిగి.. ఆయన సోషల్ మీడియాకి కూడా దూరం అయ్యారు. ప్రొడ్యూసర్ నాగవంశీ కూడా ఈ వ్యవహారం పై మండి పడ్డాడు. ఫ్యాన్స్ కూడా అస్సలు తగ్గలేదు. ఇప్పుడు మరోసారి కుర్చీ పాట ఓపెనింగ్ వర్డ్స్‌తో మళ్లీ ట్రోలింగ్ ఎదుర్కొంటున్నారు మేకర్స్. మరి ఫుల్ సాంగ్ వచ్చాక ఎలా ఉంటుందో చూడాలి.
