మెగా కుటుంబంలో మరో జంట విడిపోయింది. నిహారిక-చైతన్య జంట విడాకులకు సిద్ధమైంది. చిరంజీవి సోదరుడు నాగబాబు కుమార్తె నిహారికకు జొన్నలగడ్డ చైతన్యతో వివాహం అయిన సంగతి తెలిసిందే. అయితే గత కొంత కాలంగా వీరిద్దరూ మనస్పర్దలతో దూరంగా ఉంటున్నారు. అయితే విడాకులు మాత్రం తీసుకోలేదు. తాజాగా ఈ జంట విడాకులు కోరుతూ హైదరాబాద్ కూకట్‌పల్లిలోని ఫ్యామిలీ కోర్టులో దరఖాస్తు చేసుకుంది. హిందూ మ్యారేజ్ చట్టం ప్రకారం విడాకులు కోరుతూ నిహారిక తన పిటిషన్ దాఖలు చేసింది. దీంతో నిహారిక, చైతన్య విడిపోతున్నారనేది నిజం అయ్యింది.
చదవండి: Samantha: మళ్లీ ప్రేమలో పడిన సమంత..ఆ పోస్టు అతని కోసమేనా?
నిహారిక- చైతన్యలు 2020 డిసెంబర్‌ 9వ తేదీన పెళ్లి చేసుకున్న సంగతి తెలిసిందే. రాజస్థాన్‌లోని ఉదయ్‌పూర్‌ ప్యాలెస్‌లో వీరికి వివాహం అయ్యింది. కానీ రెండేళ్లకే వీరి పెళ్లి పెటాకులవ్వడంతో ఈ జంట మరోసారి వార్తల్లో నిలిచింది. ఇద్దరి మధ్య మనస్పర్థలు తలెత్తడంతో గత కొన్ని రోజులుగా నిహారిక, చైతన్యలు వేర్వేరుగా ఉంటున్నారు. ఆ మధ్యన చైతన్య తన ఇన్‌స్టాగ్రామ్‌ ఖాతా నుంచి నిహారికకు సంబంధించిన ఫొటోలన్నింటినీ డిలీట్ చేయడంతో వీరిద్దరి బ్రేకర్ రూమర్ వైరల్ అయ్యింది. ప్రస్తుతం వీరు విడిపోతున్నారన్నది అఫిషియల్ అయ్యింది.
