Anushka: చివరగా ‘మిస్‌ శెట్టి మిసెస్‌ పొలిశెట్టి’ సినిమాతో ప్రేక్షకుల ముందుకు వచ్చింది అనుష్క. అయితే.. ఈ సినిమా తర్వాత మరో సినిమా కమిట్ అవలేదు స్వీటి. కానీ ఇప్పుడు క్రిష్‌తో కొత్త సినిమాకు సైన్ చేసినట్టుగా తెలుస్తోంది. రీసెంట్‌గా అనుష్క ఓ హోటల్‌లో కనిపించిన వీడియో ఒకటి సోషల్ మీడియాలో వైరల్‌గా మారింది. ఇది క్రిష్ సినిమా షూటింగ్‌కు సంబంధించిన వీడియో అని తెలిసింది.
ఇది కూడా చూడండి: Double Ismart: ‘డబుల్ ఇస్మార్ట్’ వాయిదా? కొత్త రిలీజ్ డేట్ ఫిక్స్?
ప్రజెంట్ అనుష్క ఈ సినిమా షూటింగ్‌తో బిజీగా ఉన్నట్టుగా సమాచారం. హరిహర వీరమల్లు తిరిగి సెట్స్ పైకి వెళ్లేలోపు ఈ సినిమా కంప్లీట్ చేయాలనుకుంటున్నాడు క్రిష్. గతంలో వేదం సినిమా కోసం కలిసి పని చేశారు క్రిష్, అనుష్క. ఆ సినిమాలో సరోజ పాత్రలో అదరగొట్టింది అనుష్క. ఇక ఇప్పుడు అనుష్కతో మరో అదిరిపోయే సినిమా చేస్తున్నాడట క్రిష్. ఈ సినిమా కొన్ని రియల్ ఇన్సిడెంట్స్ ఆధారంగా తెరకెక్కుతోందట.
ఇది కూడా చూడండి: Kalki: కల్కి లీక్డ్ వీడియో మామూలుగా లేదా?
ఒడిశాలో ఓ అమ్మాయి జీవితంలో చోటు చేసుకున్న యధార్థ సంఘటనల ఆధారంగా తెరకెక్కిస్తున్నారట. తనకు జరిగిన ఓ అన్యాయంపై ఓ ఒడిశా అమ్మాయి చేసిన పోరాటమే.. అనుష్క కొత్త సినిమా కథ అని అంటున్నారు. దీంతో ప్రస్తుతం ఈ మూవీ షూటింగ్‌ ఒడిశాలో జరుగుతున్నట్టుగా తెలుస్తోంది. ఇక ఇప్పుడు టైటిల్ కూడా లాక్ చేసినట్టుగా సమాచారం. ఇండస్ట్రీ వర్గాల ప్రకారం.. ఈ లేడీ ఓరియెంటెడ్ ఫిల్మ్‌కు ‘శీలవతి’ అని టైటిల్ పెట్టినట్లుగా తెలుస్తోంది. ఈ ఏడాదిలోనే ఈ సినిమా రిలీజ్‌కు ప్లాన్ చేస్తున్నారట. మరి శీలవతిగా అనుష్క ఎలా అలరిస్తుందో చూడాలి.
