Fire Accident At Hyderabad Bazarghat, 7 Dead
హైదరాబాద్‌(Hyderabad)లో రెండు వేర్వేరు ప్రాంతాల్లో అగ్నిప్రమాదాలు జరిగాయి. అమీర్‌పేట్‌ పరిధిలో ఒక అగ్నిప్రమాదం చోటు చేసుకోగా.. పాతబస్తీ పరిధిలోని షాలిబండలో మరొకటి జరిగింది. అమీర్‌పేట(Ameerpet)పరిధిలోని మధురానగర్‌లో ఫర్నిచర్‌ గోదాంలో మంటలు ఎగసిపడటంతో.. ₹లక్షల విలువైన ఫర్నిచర్‌ దగ్ధమైనట్లు సమాచారం. షాలిబండ(Shalibanda)లో ప్రాంతంలోని బజాజ్‌ ఎలక్ట్రానిక్స్‌ దుకాణంలో సైతం అగ్నిప్రమాదానికి భారీగా మంటలు ఎగసిపడ్డాయి.
చదవండి : KCRపై ఢిల్లీ పెద్దల కుట్రలు.. కేటీఆర్ హాట్ కామెంట్స్
సమాచారం అందుకున్న అగ్నిమాపక సిబ్బంది ఘటనాస్థలికి చేరుకుని మంటలను అదుపులోకి తెస్తున్నారు. ఈ రెండు ప్రమాదాలకుగల కారణాలు తెలియాల్సి ఉంది. మరోవైపు దీపావళి పండుగ వేళ హైదరాబాద్‌లోని తీవ్ర విషాద ఘటన చోటు చేసుకుంది. దీపావళి సంబురాలు ఓ కుటుంబంలో విషాదాన్ని నింపాయి. మల్కాజిగిరి(Malkajigiri)పీవీఎన్ నగర్‌లోని వేంకటేశ్వర అపార్ట్‌మెంట్స్‌లో దీపావళి పండుగ సందర్భంగా ఓ మహిళా ఇంట్లో దీపాలు వెలిగిస్తోంది. ఈ క్రమంలో ప్రమాదవశాత్తూ ఆమె చీరకు నిప్పు అంటుకుంది. ఇది గమనించిన మహిళా భర్త ఆమెను రక్షించేందుకు వెళ్లాడు. ఆమెను కాపాడే ప్రయత్నంలో మంటలు అంటుకుని భర్త మృతి చెందాడు. ఆమెకు తీవ్ర గాయాలు అయ్యాయి. గమనించిన స్థానికులు మహిళను ఆసుపత్రికి తరలించారు.
చదవండి : Uttarakhand: కూలిన సొరంగం..శిథిలాల కింద 40 మంది!
