ఎన్నికలు సమీపిస్తున్న తరుణంలో అభ్యర్థుల ఎంపికపై సర్వత్రా చర్చ నెలకొంటోంది. టికెట్ కోసం పార్టీల నేతలు అష్టకష్టాలు పడుతున్నారు. రాజస్థాన్‌లో కూడా అసెంబ్లీ ఎన్నికలు త్వరలోనే జరగనున్నాయి. ఈ నేపథ్యంలో ఎమ్మెల్యే టికెట్ల కోసం పార్టీల నేతలు తీవ్ర ప్రయత్నాలు చేస్తున్నారు. టికెట్ కోసం పడరాని పాట్లు పడుతూ దాడులు చేయడానికి కూడా వెనకాడటం లేదు. ఎమ్మెల్యే టికెట్ కోసం చూస్తున్న ఓ మహిళ తన సోదరుడిపై చెప్పుతో దాడి చేసిన ఘటన స్థానికంగా కలకలం రేపింది.
చదవండి: RBI : రూ. 2000 నోట్ల మార్పిడిపై ఆర్‌బీఐ కీలక ప్రకటన.. మళ్లీ మార్చుకోవచ్చు
అల్వార్ రూర‌ల్ నియోజ‌క‌వ‌ర్గం నుంచి బీజేపీ త‌ర‌పున మాజీ ఎమ్మెల్యే జ‌య‌రాం జాత‌వ్, ఆయన కుమార్తె మీనా కుమారి ఎమ్మెల్యే టికెట్ కోసం ఎదురుచూస్తున్నారు. టికెట్ ద‌క్కించుకునేందుకు తీవ్రంగా ప్రయత్నిస్తున్నప్పటికీ తండ్రీకూతుళ్ల మధ్య గట్టి పోటీ నెలకొంది. వారి టికెట్ల పంచాయితీ జైపూర్‌లోని బీజేపీ ఆఫీసుకు చేరుకోగా మీనా కుమారి మద్దతుదారులు పెద్దఎత్తున నినాదాలు చేశారు.
చదవండి: Congress-BJP: రావణాసురుడిగా రాహుల్ గాంధీ.. బీజేపీకి కాంగ్రెస్ కౌంటర్..!
ఆఖరికి జ‌య‌రాంకే బీజేపీ టికెట్ ఖ‌రారు చేయడంతో అక్క‌డే ఉన్న తన సోదరుడిపై మీనా కుమారి చెప్పుతో దాడికి దిగింది. తనకు టికెట్ రాకుండా తండ్రి జ‌య‌రాం, సోదరుడు అడ్డుపడ్డారని ఆమె తీవ్రంగా ఆగ్రహించి దాడికి పాల్పడింది. తన తండ్రిపై పలు ఆరోపణలు కూడా చేసింది. ఈ నేపథ్యంలో జయరాంను మీడియా ప్రశ్నించింది. ఈ సందర్భంగా తన కూతురి వ్యాఖ్యలపై తాను స్పందించనని ఆయన తేల్చి చెప్పారు.
