Snake Cow Viral Video: వన్యప్రాణులకు సంబంధించిన వీడియోలు తరచుగా సోషల్ మీడియాలో వైరల్ అవుతుంటాయి. అదే విధంగా ప్రస్తుతం పాము, ఆవు ప్రేమతో ఆడుకుంటున్న వీడియో వైరల్ అవుతోంది. ఈ వీడియోలో పాము తన దూడలా లాలించడం కనిపిస్తోంది. నిజానికి దాని స్వభావం ప్రకారం.. పాము ఆవుపై దాడి చేయాలి. కాటేయ్యాలి. కానీ అది జరగకపోవడం చూసి జనాలు ఆశ్చర్యపోతున్నారు. ఈ వీడియో జనాలకు విపరీతంగా నచ్చింది.
వైరల్ వీడియోలో ఒక ఆవు బహిరంగ ప్రదేశంలో నిలబడి ఉంది. దానికి ఎదురుగా ఒక పాము తన పడగ విప్పి నేలపై కూర్చుని ఉంది. ఈ వీడియోలో ఇద్దరి మధ్య ఎలాంటి గొడవలు లేవు, ప్రేమ కనిపిస్తుంది. పాము తన పడగ పైకి లేపింది. ఎదురుగా ఒక ఆవు వాసన చూస్తోంది. ఆ తర్వాత ఆవు తన నాలుకను చాపి పాము ముఖాన్ని నాలుకతో నాకడం ప్రారంభిస్తుంది. పాము ఏమాత్రం ఉద్వేగానికి లోనైనట్లు లేదు. ఇండియన్ ఫారెస్ట్ సర్వీసెస్ ఆఫీసర్ సుశాంత్ నందా సోషల్ మీడియాలో పోస్ట్ చేసిన వీడియో చర్చనీయాంశమైంది. ఈ వీడియోలో పాము, ఆవు మధ్య ప్రేమ కనిపిస్తుంది. ఈ దృశ్యం చాలా ఆశ్చర్యం కలిగిస్తుంది ఎందుకంటే ఈ రెండు జీవుల మధ్య ఇలాంటివి మీరు ఇంతకు ముందు చూసి ఉండరు. వీడియోను పంచుకుంటూ.. సుశాంత్ ఇలా వ్రాశాడు- “ఈ సన్నివేశాన్ని వివరించడం కష్టం. ఈ నమ్మకాన్ని స్వచ్ఛమైన ప్రేమతో గెలుచుకున్నారు.
చదవండి:PIB : ఐటీ రిఫండ్‌పై బిగ్ అలర్ట్..కేంద్రం హెచ్చరిక
Difficult to explain. The trust gained through pure love 💕 pic.twitter.com/61NFsSBRLS
— Susanta Nanda (@susantananda3) August 3, 2023
చాలా మంది ఈ వీడియోపై కామెంట్ చేస్తూ తమ అభిప్రాయాన్ని తెలియజేశారు. సుశాంత్ చెప్పింది పూర్తిగా కరెక్ట్ అని ఒకరు అన్నారు. మరొకరు ఆవు, పాము రెండూ అనవసరంగా ప్రవర్తిస్తున్నట్లు కనిపిస్తున్నాయని.. వాటికి స్వంత భాష ఉందని అది మానవులకు అర్థం కాదని ఒకరు రాసుకొచ్చారు.
చదవండి:Raptadu MLA: చంద్రబాబు ఓ గజదొంగ.. రాప్తాడు ఎమ్మెల్యే తోపుదుర్తి ప్రకాశ్ రెడ్డి
