తమిళ స్టార్ హీరో విజయ్ దళపతి-లోకేష్ కనగరాజ్ కాంబినేషన్ లో ఇప్పటికే మాస్టర్(master) మూవీ వచ్చిన విషయం తెలిసిందే. ఈ సినిమాకి అద్భుతమైన రెస్పాన్స్ వచ్చింది. విక్రమ్ తో బ్లాక్ బస్టర్ హిట్ అందించిన తరువాత మరోసారి ఈ క్రేజీ కాంబోలో సెట్ అవ్వడం, షూటింగ్ కొనసాగుతుండటంతో సినిమాపై భారీ అంచనాలున్నాయి. త్వరలోనే ఈ సినిమా నుంచి క్రేజీ అప్ డేట్స్ అందనున్నాయని టాక్ వినిపిస్తోంది. తాజాగా లోకేష్ కనగరాజ్ స్పందించారు. ట్విట్టర్ వేదికగా స్పందించి..ఈ మూవీ నుంచి రాబోయే అప్ డేట్స్ ని ఉద్దేశిస్తూ..రెడీ హా అంటూ ట్వీట్ చేశారు.
ఇది కూడా చూడండి: Ram pothineni: పెళ్లి కబురు వినిపించబోతున్న రామ్ పోతినేని?
కాగా, లియో చిత్రం షూటింగ్ శరవేగంగా జరుగుతోంది. కాగా, విజయ్(vijay) బి-డే రోజున ఆయన అభిమానులను ఆనందపరచడానికి సిద్ధంగా ఉన్నామని మేకర్స్ వెల్లడించారు. 22 జూన్ 2023న అతని పుట్టినరోజు రోజున ఈ సినిమా మొదటి సింగిల్‌ని మేకర్స్ విడుదల చేయనున్నారు. ఈ చిత్రంలో త్రిష కథానాయికగా నటిస్తుండగా, సంజయ్ దత్, అర్జున్ ముఖ్యమైన పాత్రలను పోషిస్తున్నారు. ఈ చిత్రాన్ని దీపావళి కానుకగా అక్టోబర్ 19న గ్రాండ్ రిలీజ్ చేసేందుకు సన్నాహాలు చేస్తున్నారు. ప్రియా ఆనంద్, గౌతమ్ వాసుదేవ్ మీనన్, మిస్కిన్, శాంతి మాయాదేవి, మాథ్యూ థామస్, మన్సూర్ అలీ ఖాన్ తదితరులు ముఖ్య పాత్రలు పోషిస్తున్నారు. ఈ చిత్రం సెవెన్ స్క్రీన్ స్టూడియోస్‌పై నిర్మించబడింది. ఎల్ అనిరుధ్ రవిచందర్ ఈ చిత్రానికి సంగీత దర్శకుడు.
