ప్రస్తుతం చియాన్ విక్రమ్ హీరోగా పా రంజిత్ దర్శకత్వంలో ‘తంగలాన్’ అనే సినిమా తెరకెక్కుతోంది. ఇది కెజియఫ్(KGF)లో జరిగిన కొన్ని రియల్ ఇన్సిడెంట్స్ ఆధారంగా తెరకెక్కుతోంది. ఈ సినిమా షూటింగ్‌లోనే విక్రమ్ తాజాగా ప్రమాదానికి గురయ్యాడు. ఇదిలా ఉండగానే.. కోలీవుడ్ నుంచి మరో డెడ్లీ కాంబినేషన్ కెజియఫ్ బ్యాక్ డ్రాప్‌లో సినిమా చేసేందుకు ప్లాన్ చేస్తోందట. తమిళ్ డైరెక్టర్స్‌లో వెట్రిమారన్(vetrimaaran) స్టైలే వేరు.
ఇది కూడా చూడండి: Dimple hayathi: గుడి కడతానన్న అభిమాని.. దిమ్మతిరిగే కౌంటర్ వేసిన డింపుల్ హయతి
రీసెంట్‌గా ‘విడుదల పార్ట్ వన్‌’తో మంచి విజయాన్ని అందుకున్నాడు వెట్రిమారన్(vetrimaaran). రియాల్టిగా సినిమాలు చేసే ఈ డైరెక్టర్.. గతంలో ధనుష్‌(dhanush)తో అసురన్ లాంటి సినిమాలు చేసి జాతీయ అవార్డ్స్ అందుకున్నాడు. అందుకే మరోసారి ఈ డెడ్లీ కాంబో ఫిక్స్ అయినట్టు తెలుస్తోంది. ఇంతకు ముందు అనుకున్న ‘వడ చెన్నై 2’ ప్రాజెక్ట్‌ని పక్కకు పెట్టి మరీ.. మరి కెజియఫ్ రేంజ్‌లో ఈ సినిమాను ప్లాన్ చేస్తున్నారట. ఇప్పటికే వెట్రిమారన్ కెజియఫ్ పై రీసెర్చ్ చేస్తున్నట్టు సమాచారం.
ఈ సినిమాతో కెజియఫ్‌లో జరిగిన అన్యాయాలు, అక్రమాలు కళ్ళకు కట్టినట్టు చూపించబోతున్నారట. త్వరలోనే దీనికి సంబంధించిన అనౌన్స్మెంట్ రానుందని అంటున్నారు. త్వరలోనే వెట్రిమారన్ ‘విడుదల పార్ట్ 2’ రిలీజ్ కానుంది. ఆ తర్వాత ఈ కాంబో సెట్స్ పైకి వెళ్లనుందని కోలీవుడ్ వర్గాల మాట. మరి వెట్రిమారన్ కెజియఫ్(KGF)ను ఎలా చూపిస్తాడో చూడాలి.
ఇది కూడా చూడండి: Agent: ‘ఏజెంట్’ డైరెక్టర్‌తో బన్నీ.. రిస్క్ చేస్తాడా!?
