కరోనా వైరస్‌తో (Corona Virus) సృష్టించిన విలయం నుంచి భారత్ ఇంకా తేరుకోలేదు. వైరస్ ధాటికి భారతదేశం (India) అల్లాడిపోయింది. మహమ్మారి సృష్టించిన విపత్తుతో మానవ సమాజం గజగజ వణికింది. ఇప్పుడిప్పుడే ఆ వైరస్ నుంచి మెల్లమెల్లగా కోలుకుంటున్నాం. ఇప్పటికే ఆ వైరస్ ప్రభావంతో ప్రజలు తీవ్ర ఇబ్బందులు ఎదుర్కొంటున్నారు. దాని ప్రభావం మానవుడి ఆరోగ్యంపై తీవ్రంగా పడింది. ఆ విలయం మరచిపోతున్న సమయంలో మరికొన్ని వైరస్ ల దాడి పొంచి ఉన్నాయని శాస్త్రవేత్తలు, నిపుణులు హెచ్చరిస్తున్నారు. వారి హెచ్చరిస్తున్నట్టుగానే భారత్ పై మరో వైరస్ (Virus) దాడి చేయడం మొదలుపెట్టింది. ముఖ్యంగా చిన్నారులపై ఆ వైరస్ తీవ్రంగా వ్యాపిస్తోంది. ఈ వైరస్ ప్రభావంతో ఒక్క రోజే ఏడుగురు చిన్నారులు మృత్యువాత పడ్డారు. దీంతో భారతదేశంలో మళ్లీ కలకలం ఏర్పడింది.
చదవండి: Marburg Virus : మరో కొత్త వైరస్ వ్యాప్తి.. 9 మంది మృతి
ఆ వైరస్ పేరు అడెనో వైరస్ (Adenovirus). ఈ వైరస్ కారణంగా పశ్చిమ బెంగాల్ (West Bengal)లో 24 గంటల్లో ఏడుగురు చిన్నారులు మృతి చెందారు. వారంతా రెండేళ్లలోపు వారే కావడం ఆందోళన కలిగిస్తోంది. ఈ సంఘటనలతో మమతా బెనర్జీ (Mamata Banerjee) ప్రభుత్వం అప్రమత్తమైంది. వైరస్ నియంత్రణ చర్యలకు ఉపక్రమించింది. ఈ వైరస్ కారణంగా శ్వాసకోశ ఇన్ఫెక్షన్ తో చిన్నారులు మరణించారని ఆ రాష్ట్ర సీనియర్ ఆరోగ్య అధికారి వెల్లడించారు. ఇప్పటివరకు రాష్ట్రంలో 12 వైరస్ మరణాలు సంభవించాయని తెలిపారు. వారిలో 8 మందికి మిగతా సమస్యలు కూడా ఉన్నాయని వివరించారు.
చదవండి: బీజేపీ అంటే కొత్త అర్థం చెప్పిన మంత్రి హరీశ్ రావు
ప్రస్తుత కాలంలో తీవ్ర శ్వాసకోశ ఇన్ఫెక్షన్లు (ARI) సర్వసాధారణమని, జాగ్రత్తలు పాటించాలని ప్రభుత్వం ప్రకటించింది. ఈ వైరస్ ను ఎదుర్కొనేందుకు వైద్య వసతులు పెంచామని అధికారులు తెలిపారు. 121 ఆస్పత్రుల్లో 600 మంది పిల్లల వైద్యులతో పాటు 5 వేల పడకల (Beds)ను సిద్ధంగా ఉంచారు. కలకత్తా (Kolkata)లోని ప్రభుత్వ ఆస్పత్రులలో ఐదుగురు, బంకురా సమ్మిలాని బోధన ఆస్పత్రిలో ఇద్దరు మృతి చెందారు. వైరస్ లక్షణాలు ఇంకా తెలియరాలేదు. ఆ వైరస్ బారినపడిన వారి నమూనాలు సేకరించి పరీక్షలకు పంపారు. వాటి ఫలితాలు వచ్చాక వైరస్ లక్షణాలు తెలిసే అవకాశం ఉంది. ఈ వైరస్ సాధారణంగా శ్వాసకోశ, పేగులలో ఇన్ఫెక్షన్ లకు కారణమవుతుంది. ఇది సర్వసాధారణమే. కానీ మరణాల (Deaths) సంఖ్య పెరగడమే ఆందోళన కలిగిస్తోంది.
చదవండి: BRS Party గ్యాస్ ధరలపై బీఆర్ఎస్ భగ్గు.. రోడ్లెక్కిన గులాబీ శ్రేణులు
ఈ వైరస్ పై ముఖ్యమంత్రి మమతా బెనర్జీ అత్యవసర సమావేశం నిర్వహించారు. ఈ సందర్భంగా వెంటనే వైద్య సేవలు అందించాలని అధికారులకు ఆదేశించారు. సీసీయూ (CCU), జనరల్ వార్డుల్లో (General Ward) పడకల సంఖ్య పెంచాలని చెప్పారు. ముఖ్యంగా 0-2 సంవత్సరాల వయసులోపు పిల్లలు సంక్రమణకు గురవుతారని, వారిని ఇంట్లో ఉంచే చికిత్స అందించవచ్చని ఈ సందర్భంగా సీఎం మమతకు అధికారులు వివరించారు.
చదవండి: Six Pack క్రేజీ లుక్ లో సూపర్ స్టార్ మహేశ్.. జిమ్ ఫొటోలు వైరల్
