Pooja Hegde: Telugu chance for Pooja Hegde.. Will this hero save it?
Pooja Hegde: ప్రస్తుతం బుట్టబొమ్మ పూజా హెగ్డే పరిస్థితి గొప్పగా చెప్పుకునేంతగా లేదు. అమ్మడి చేతిలో సినిమాలు లేకపోగా.. ఉన్న ఆఫర్లను కుర్ర హీరోయిన్లు ఎగరేసుకుపోతున్నారు. ఒకప్పుడు చేతినిండా సినిమాలతో బిజీగా ఉన్న పూజాకు ఇప్పుడు సీన్ రివర్స్ అయింది. ప్రస్తుతం హిందీ సినిమాకు మాత్రమే పరిమితమైంది. కానీ రీసెంట్‌గా కోలీవుడ్‌లో ఒక సూపర్ ఆఫర్ అందుకుంది. కార్తీక్ సుబ్బరాజ్ దర్శకత్వంలో తమిళ్ స్టార్ సూర్య హీరోగా ఓ సినిమా తెరకెక్కుతోంది.
ఇది కూడా చూడండి: AAP : ఉచిత విద్య, ఫ్రీ కరెంట్… హర్యానా అసెంబ్లీ ఎన్నికల సందర్భంగా ఐదు హామీలు ఇచ్చిన ఆప్
ఈ చిత్రంలో పూజా హెగ్డే హీరోయిన్‌గా పూజా ఫైనల్ అయింది. అయితే.. తెలుగులో మాత్రం పూజాకు ఆఫర్లు రావడం లేదు. కానీ ఎట్టకేలకు నాగ చైతన్య పూజాకు ఛాన్స్ ఇచ్చినట్టుగా తెలుస్తోంది. ప్రస్తుతం చందూ మొండేటి దర్శకత్వంలో తెరకెక్కుతున్న ‘తండేల్‌’ సినిమాలో నటిస్తున్నాడు నాగ చైతన్య. ఈ సినిమాను చైతూ కెరీర్లోనే భారీ బడ్జెట్‌తో నిర్మిస్తోంది గీతా ఆర్ట్స్ బ్యానర్. ఇక ఈ సినిమా తర్వాత విరూపాక్ష దర్శకుడు కార్తీక్ వర్మ దండుతో ఓ సినిమా చేయబోతున్నాడు నాగ చైతన్య. మరో రెండు నెలల్లో షూటింగ్ స్టార్ట్ కానుంది.
ఇది కూడా చూడండి: Akshay Kumar: షాకింగ్.. బాలీవుడ్ స్టార్ హీరో వెయ్యి కోట్ల నష్టం?
ఈ చిత్రాన్ని శ్రీ వెంకటేశ్వర సినీ చిత్ర నిర్మించబోతుంది. ఈ సినిమాలోనే హీరోయిన్‌గా పూజా హెగ్డే నటించనున్నట్లు తెలుస్తోంది. గతంలో వీరిద్దరు కలిసి ‘ఒక లైలా కోసం’ చిత్రంలో నటించారు. అయితే.. ఈసారి పూజాకు ఇది సూపర్ ఛాన్స్ అనే చెప్పాలి. అమ్మడిని తెలుగులో పట్టించుకునే వారే లేని సమయంతో.. చైతన్య ఛాన్స్ ఇచ్చాడు. మరి ఈ సినిమాతో పూజా బౌన్స్ బ్యాక్ అవుతుందేమో చూడాలి.
