Bharateeyudu 2: Huge losses for 'Bharateeyudu 2'.. Even a hundred crores is difficult?
Bharateeyudu 2: భారీ అంచనాల మధ్య వచ్చిన భారతీయుడు 2 సినిమాకు డివైడ్ టాక్ వచ్చిన సంగతి తెలిసిందే. జూలై 12న రిలీజ్ అయిన ఈ సినిమాకు మొదటి రోజే ఓ మోస్తారు కలెక్షన్స్ వచ్చాయి. ఫస్ట్ డే 26 కోట్ల నెట్ వసూళ్లు రాబట్టింది. ఆ తర్వాత సెకండ్ డే నుంచి వసూళ్లు డ్రాప్ అయ్యాయి. ఇక ఫస్ట్ వీక్ ముగిసే నాటికి భారతీయుడు 2 ఇండియాలో 70 కోట్ల వరకు నెట్.. 140 కోట్లకు గ్రాస్ రాబట్టినట్లు సమాచారం. ఇందులో ఒక తమిళంలోనే 50 కోట్ల వరకు కలెక్షన్స్ వచ్చినట్లు కోలీవుడ్ వర్గాలు చెబుతున్నాయి.
ఇది కూడా చూడండి: Kalki 2898 AD: తగ్గిన ‘కల్కి’ కలెక్షన్స్.. కానీ సెన్సేషన్!
ఇక 8వ రోజున 43.59 శాతం కలెక్షన్స్ పడిపోయాయని అంటున్నారు. ఈ లెక్కన.. భారతీయుడు 2కి వంద కోట్ల నెట్ కూడా కూడా కష్టమేనని అంటున్నారు. వరల్డ్ వైడ్‌గా ఈ సినిమాకు 172 కోట్ల బ్రేక్ ఈవెన్ టార్గెట్ ఫిక్స్ అయింది. 100 కోట్లకుపైగా వసూళ్లు వస్తేనే ఓ మోస్తారు హిట్‌గా నిలుస్తుంది. కానీ వంద కోట్ల కలెక్షన్స్ అసాధ్యం అని ట్రేడ్ వర్గాలు చెబుతున్నాయి. ఈ సినిమా దాదాపు 250 కోట్ల బడ్జెట్‌తో తెరకెక్కింది. కానీ.. భారతీయుడు 2 వసూళ్లను చూస్తే.. నిర్మాతలు, డిస్ట్రిబ్యూటర్స్ పెద్ద మొత్తంలో నష్టాలు తప్పేలా లేవు.
ఇది కూడా చూడండి: Double Ismart: ‘డబుల్ ఇస్మార్ట్‌’కు పోటీగా 4 సినిమాలు?
ఇక తెలుగు రాష్ట్రాల్లో బ్రేక్ ఈవెన్ టార్గెట్ 25 కోట్లు కాగా.. ఇంకా 11 కోట్లకుపైగా వసూళ్లు రావాలి. ప్రస్తుతం తెలుగు రాష్ట్రాల్లో రోజుకి లక్షల్లో కలెక్షన్స్ వస్తున్నాయి. కాబట్టి.. ఈ సినిమాకు భారీ నష్టాలు తప్పేలా లేవంటున్నారు. అయితే.. శంకర్ ఈ సినిమాకు థర్డ్ పార్ట్ కూడా రెడీ చేశాడు. మరో ఆరునెలల్లో రిలీజ్ చేస్తానని చెప్పుకొచ్చాడు. మరి భారతీయుడు 3 వస్తుందా? లేదా? అనే చూడాలి.
