రెబల్ స్టార్ కృష్ణం రాజు.. ఆ తర్వాత ఆయన వారసత్వాన్ని అందుకొని.. పాన్ ఇండియా స్టార్‌గా దూసుకుపోతున్న ప్రభాస్ ఆతిథ్యం గురించి ప్రత్యేకంగా చెప్పనక్కర్లేదు. ప్రభాస్‌తో యాక్ట్ చేసే నటీ నటులు ఎవరైనా సరే.. ప్రభాస్ ఇంటి భోజనం రుచి చూడాల్సిందే. ఇదే విషయాన్ని ఎంతో మంది ఇండస్ట్రీ ప్రముఖులు సమయం వచ్చినప్పుడల్లా చెబుతునే ఉంటారు. అందుకే.. ఇంత బాధలోను అంతకు మించి ఆతిథ్యం ఇవ్వబోతున్నాడట డార్లింగ్. కృష్ణంరాజుని కడసారి చూసేందుకొచ్చిన సమయంలోనే.. అభిమానుల గురించి ఆలోచించాడు ప్రభాస్. రెబల్ స్టార్ అభిమానులందరికీ భోజనం పెట్టించి మరీ పంపించినట్టు.. ఓ న్యూస్ సోషల్ మీడియాలో ఎంతగానో వైరల్ అయింది.
ఇక ఇప్పుడు మరోసారి ఆథిత్యం విషయంలో ప్రభాస్ గురించి ఓ న్యూస్ వైరల్ అవుతోంది. కృష్ణంరాజు మరణంతో సొంతూరు మొగల్తూరులో ఈనెల 29వ తేదీన స్మారక సభను ఏర్పాటు చేస్తున్నారు. దాంతో దాదాపు 12 ఏళ్ల తర్వాత ప్రభాస్ మొగల్తూరుకి వెళ్లనున్నారట. ఆయనతో పాటు కుటుంబ సభ్యులు వెళ్ళనున్నట్టు సమాచారం. ఈ సందర్భంగా దాదాపు 70 వేల మందికి భోజనాలు ఏర్పాట్లు చేయిస్తున్నట్టు తెలుస్తోంది. ప్రస్తుతం ఈ న్యూస్ సోషల్ మీడియాలో వైరల్‌గా మారింది. అయితే ప్రభాస్ గురించి మరో వైరల్ న్యూస్ ఏంటంటే.. హీరోయిన్ కృతి సనన్‌తో ప్రేమలో ఉన్నాడట ప్రభాస్. ప్రస్తుతం ప్రభాస్ ఉన్న పరిస్థితుల్లో ఇలాంటి పుకార్లు పుట్టించడం బాలీవుడ్ జనాలకే చెల్లింది. ఏదేమైనా ప్రభాస్ ఎక్కడున్నా.. ఎక్కడికెళ్లినా.. రాజు రాజేనని అంటున్నారు.
