KTR: Telangana Melukore Party BRS
KTR: బీఆర్‌ఎస్ పార్టీ పుట్టుక సంచలనం.. దారి పొడవునా రాజీలేని రణం అని 24వ ఆవిర్భావ దినోత్సవ సందర్భంగా బీఆర్‌ఎస్ వర్కింగ్ ప్రెసిడెంట్ కేటీఆర్ శుభాకాంక్షలు తెలిపారు. తెలంగాణ మట్టిలో పుట్టిన ఇంటి పార్టీ, ఈ నేల మేలుకోరే పార్టీ బీఆర్‌ఎస్. రెపరెపలాడే గులాబీ పతాకం, తెలంగాణ ఎగరవేసిన జయకేతనం, పర పీడన చెర విడిపించిన ఉద్యమ జెండా, పసిడి కాంతులు పంచిన ఉజ్వల ప్రగతి బావుటా, పుట్టుకే ఒక సంచలనం, దారి పొడవునా రాజీలేని రణం, ఆత్మగౌరవ మెరుపులు, అభివృద్ధి పరిమళాలు అందుకున్న స్వీయ రాజకీయ పార్టీ అని, గులాబీ పార్టీ ప్రస్థానం అని తెలిపారు.
రెపరెపలాడే గులాబీ పతాకం
తెలంగాణ ఎగరేసిన జయ కేతనం..!పర పీడన చెర విడిపించిన ఉద్యమ జెండా ..!
పసిడి కాంతులు పంచిన ఉజ్వల ప్రగతి బావుటా..!పుట్టుకే ఒక సంచలనం..
దారి పొడవునా రాజీలేని రణం..!ఆత్మగౌరవ మెరుపులు..అభివృద్ధి పరిమళాలు అద్దుకున్న ..స్వీయ రాజకీయ అస్తిత్వ చైతన్యం..!… pic.twitter.com/jXAtTGuiBE
— KTR (@KTRBRS) April 26, 2024
ఇది కూడా చూడండి: Horoscope Today: నేటి రాశిఫలాలు(2024 April 27th).. వృధా ప్రయాణాలు ఎక్కువగా చేస్తారు
అమేయం..అజేయం..అనితర సాధ్యం గులాబీ పరివర్తన ప్రస్థానం. ముళ్లూ రాళ్లూ అవాంతరాలను అధిగమిస్తూ పరవళ్లు తొక్కిన పయనం, చావునోట్లో తలబెట్టి సాహసంగా పోరాడిన దళపతి. లాఠీలకు, జైళ్లకు వెరవక కొట్లాడిన గులాబీ సైనికుల త్యాగ నిరతి. ఆటుపోట్లను చూసి అదిరిపడలేదు, ఎదురుదెబ్బలకు బెదిరిపోలేదు, గెలిస్త పొంగిపోలేదు, ఓటములకు కుంగిపోలేదు, జయాపజయాలకు అతీతమైన స్థిత ప్రజ్ఞత. ఆకులురాలే శిశిరంలో ఆకుపచ్చని వసంతంలోనూ ఒకటే నిబద్ధతన్నారు.
ఇది కూడా చూడండి: World Cup : ఆర్చరీ ప్రపంచ కప్‌లో భారత్‌కు మూడు స్వర్ణాలు
తెలంగాణలో మట్టిలో పుట్టిన ఇంటిపార్టీ, సమరంలో, సంబురంలో కష్ట సుఖాలను కలబోసుకున్న అనుబంధం.. తెంచలేని తుంచలేని జన్మజన్మాల సంబంధం. మనమే తెలంగాణ దళం, మనమే తెలంగాణ గళం. జెండా మోసి.. జంగ్ చేసిన లక్షలాది కార్యకర్తలే బలం బలగం. కంటికి రెప్పలా పార్టీని కాపాడుకున్న మీ పట్టుదలకు, మీ శ్రమకు, మీ కృషికి సదా సలాం.. ఏమిచ్చి తీర్చుకోగలం మీ రుణం. భారత రాష్ట్ర సమితి కుటుంబ సభ్యులందరికీ ఆవిర్భావ దినోత్సవ శుభాకాంక్షలు తెలుపుతూ కేటీఆర్ ట్వీట్‌ చేశారు.
