Bramayugam Movie Review
చిత్రం: భ్రమయుగం
నటీనటులు: మమ్ముట్టి, అర్జున్‌ అశోకన్, సిద్ధార్థ్‌ భరతన్, అమల్డా లిజ్, మణికందన్‌ ఆర్‌.ఆచారి
దర్శకత్వం: రాహుల్‌ సదాశివన్‌
నిర్మాతలు: చక్రవర్తి, రామచంద్ర, ఎస్‌.శశికాంత్‌
సంగీతం: క్రిస్టో జేవియర్‌
సినిమాటోగ్రాఫర్: షెహనాద్‌ జలాల్‌
విడుదల: 23-02-2024
17వ శతాబ్దంలో కెరళ తీర ప్రాంతంలో జరిగే కథ. ఓ రాజు ఆస్థానంలో తక్కువ కులానికి చెందిన దేవన్ (అర్జున్‌ అశోకన్) పాటలు పాడుతూ బంధీగా ఉంటాడు. అతను రాజు దగ్గర నుంచి తప్పించుకుని తన తల్లిని కలుసుకోవడానికి స్నేహితుడితో కలిసి అటవీ మార్గంలో బయలుదేరుతాడు. అడవిలో తప్పిపోతాడు. అదే సమయంలో తన మిత్రుడ్ని యక్షి (అమల్డా లిజ్) చంపేస్తుంది. దేవన్ ఒంటరిగా అడవిలో వెతుక్కుంటూ.. ఓ పాడుబడ్డ ఇంటిలోకి వెళుతాడు. ఆ ఇంటి యజమాని కొడుమన్‌ పొట్టి (మమ్ముట్టి), వంటవాడు (సిద్ధార్థ్‌ భరతన్) ఇద్దరు మాత్రమే ఉంటారు. ఆ ఇంట్లోకి ప్రవేశించిన దేవన్‌కు చిత్రమైన అనుభవాలు ఎదురవుతాయి. కొద్దిరోజులకే తాను బందీ అయినట్లు తెలుసుకుంటాడు. అక్కడి నుంచి తప్పించుకునే ప్రయత్నం చేసినా కొడుమన్‌ తన తాంత్రిక విద్యల కారణంగా అది సాధ్యం కాదు. దేవన్ ఎలా తప్పించుకున్నాడు? కొడుమన్‌ పొట్టి ఎవరు? వంటవాడు ఆ ఇంట్లోనే ఎందుకు ఉంటున్నాడు? అన్నది తెలుసుకోవాలనుకుంటే సినిమా చూడండి.
భ్రమయుగం ఒక భిన్నమైన డార్క్‌ ఫాంటసీ హారర్‌ థ్రిల్లర్‌. కథ ముఖ్యంగా మూడు పాత్రల చుట్టూ తిరుగుతుంది. ఒకే పాడుబడ్డ ఇంటిలో సాగుతున్నా ఒక్కసారి కూడా రిపీట్ అన్న ఫీల్ అనిపించదు. ఈ విషయంలో దర్శకుడు రాహుల్‌ సదాశివన్‌ మార్కులు కొట్టేశారు. ఓ పాడుబడ్డ ఇంట్లో తాంత్రిక విద్యలు వచ్చి ఓ మంత్రగాడి నుంచి ఓ సాధారణమైన యువకుడు ఎలా తప్పించుకున్నాడు అనేది ఆ చిత్ర కధ. కులవివక్ష, అధికారం మనిషిని రాక్షసుడిగా ఎలా మారుస్తుంది? అనే విషయాలను టచ్ చేశారు.
దేవన్ అడవిలో దారితప్పిపోయి తిరగడంతో ఆసక్తికరంగా మొదలవుతుంది. తనతో పాటు వచ్చిన మిత్రుడి యక్షి తినడం చూసి భయంతో అక్కడి నంచి పారిపోయి కొడుమన్‌ ఇంట్లో చిక్కుకు పోతాడు. కొడుమన్‌గా మమ్ముట్టి ఇంట్రడక్షన్ ఎంతో ఆసక్తికరంగా ఉంటుంది. ఇంటి వాతావరణం.. దేవన్‌కు ఎదురయ్యే పరిస్థితులు
ఎంతో ఉత్సుకత కలిగించేలాగే ఉంటాయి. బ్రేక్‌కు ముందుకు అసలు ట్విస్ట్ బయటకొస్తుంది. దాని తరువాత ద్వితీయార్ధంపై ప్రేక్షకుడు అంచనాలు పెరుగుతాయి. ఇక దేవన్, వంటవాడు కొడుమన్‌ నుంచి ఎలా బయటపడ్డారు అనేది చాలా ఆసక్తిగా ఉంటుంది. ఇక క్లైమాక్స్ పతాక సన్నివేశాలు చాలా థ్రిల్లింగ్‌గా ఉంటాయి.
ఈ సినిమాకి మమ్ముట్టి నటనే ప్రధాన బలం. కొడుమన్‌ పాత్రలో ఆయన నటన అద్భుతంగా ఉంది. ముఖ్యంగా క్లైమాక్స్ సన్నివేశాల్లో ఆయన నటన అందర్నీ కట్టిపడేస్తుంది. దేవన్ పాత్రలో అర్జున్‌ అశోకన్ అద్భుతంగా ఉంది. క్లైమాక్స్‌లో ఆయన నటన కట్టిపడేస్తుంది. వంటవాడుగా సిద్ధార్థ్‌ నటన కూడా బాగుంది. దర్శకుడు రాసుకున్న కథ, దాని కోసం సృష్టించిన భ్రమయుగం అనే ప్రపంచం ప్రేక్షకుల్ని ఆకట్టుకుంది. క్రిస్టో ఇచ్చిన ప్రతి పాట బాగుంది. నిర్మాణ విలువలు ఉన్నతంగా ఉన్నాయి.
కథ
యాక్టర్స్ నటన
ట్విస్టులు
క్లైమాక్స్
సంకేతిక అంశాలు
అక్కడక్కడ ల్యాగ్ ఉంది
