దేశంలోని 15 నగరాల్లో మెట్రో రైళ్లు (Metro Rails) ప్రయాణికులకు అందుబాటులో ఉన్నాయి. అయితే త్వరలో నీటి అడుగు భాగం నుంచి ప్రయాణించే మెట్రో రైళ్లు అందుబాటులోకి రానున్నాయి. ఈ ప్రాజెక్ట్ పనులు ఇప్పటికే పూర్తికావొచ్చాయి. డిసెంబర్లో తొలి అండర్ వాటర్ మెట్రో రైలు (Under Water Metro Rail) పరుగులు పెట్టనుంది. ఈ విషయాన్ని కోల్‌కతా మెట్రో రైల్ కార్పొరేషన్ (Kolkata Metro Rail Corporation) వెల్లడించింది.
చదవండి: Tax Payers: సమయం లేదు మిత్రమా.. పన్ను చెల్లించేందుకు ఒక్కరోజు మాత్రమే!
అండర్ వాటర్ మెట్రో రైలు ప్రాజెక్ట్ పనులు చివరి దశలో ఉన్నాయని, పనులు శరవేగంగా పూర్తి చేస్తున్నట్లుగా కేఎంఆర్సీ అధికారులు వెల్లడించారు. కోల్‌కతా లోని హుగ్లీ నది అడుగు భాగం నుంచి ఈ అండర్ వాటర్ మెట్రో మార్గాన్ని నిర్మిస్తున్నట్లు కేఎంఆర్సీ తెలిపింది. కోల్‌కతా నగరంలోని తూర్పు వైపు నుంచి పశ్చిమం వైపు ఈ మార్గాన్ని ఏర్పాటు చేస్తున్నారు. మొత్తం 16 కిలోమీటర్ల పొడవునా ఈ మెట్రో ట్రాక్ (Metro Track)ను నిర్మించారు.
చదవండి: RamDev Baba: రామ్‌దేవ్‌ బాబాకు హైకోర్టు నోటీసులు..అక్టోబర్ 5న పోలీస్ స్టేషన్‌‌కు
ప్రస్తుతం 4.8 కిలోమీటర్ల దూరం మాత్రమే ట్రాక్ పూర్తయ్యింది. ఎస్ల్పానేడ్ నుంచి హౌరా స్టేడియం వరకూ ఈ అండర్ వాటర్ మెట్రో రైలును డిసెంబర్ నెలలో ప్రారంభించనున్నారు. ఈ రూట్ అందుబాటులోకి వస్తే ప్రతి 12 నిమిషాలకు ఒక మెట్రో ప్రయాణించనుందని కోల్‌కతా మెట్రో రైల్ కార్పొరేషన్ మేనేజింగ్ డైరెక్టర్ శ్రీవాత్సవ తెలిపారు. జూన్ 2024లో పూర్తిగా 16 కిలోమీటర్ల కారిడార్‌లో అండర్ వాటర్ మెట్రో సేవలు విస్తరించనున్నాయని వెల్లడించారు.
