400 kg heavy lock for Ram Mandir.. Video viral
Ram Mandir: అయోధ్యలో నిర్మిస్తున్న రామమందిరంలో అనేక అద్భుతాలు చోటుచేసుకుంటున్నాయి. అందులో భాగంగా 400 కేజీల తాళం కూడా ఉంది. ఈ నెల 22న రామ మందిర ప్రాణ ప్రతిష్ఠ కార్యాక్రమానికి అన్ని ఏర్పాట్లు శరవేగంగా జరుగుతున్నాయి. ప్రపంచ నలుమూలల నుంచి ప్రముఖులు హాజరవుతున్న ఈ వేడుక కన్నుల పండుగగా జరగనుంది. ఈ నేపథ్యంలో జనవరి 20న కానుకల సమర్పణ క్రతువు నిర్వహించిన విషయం తెలిసిందే. ఇందులో భాగంగా అయోధ్యకు దేశం నలుమూలల నుంచి కానుకలు వస్తున్నాయి. ఉత్తరప్రదేశ్ లోని అలీగఢ్ జిల్లాకు చెందిన రామ భక్తులు అయోధ్య రామ మందిరానికి ఓ బాహుబలి తాళంను కానుకగా తీసుకొచ్చారు.
చదవండి:Ayodhya Ram Mandir : ఢిల్లీలోని బాబర్ రోడ్డుకు బదులు అయోధ్య మార్గ్… హిందూ సేన పోస్టర్లు
ఈ తాళం బరువు 400 కిలోలు. దీని తాళం చెవి కూడా దాదాపు దాని సైజ్‌కు తగ్గట్టుగానే ఉంది. ఎంతో నేపుణ్యంతో దాదాపు ఆరునెలలు కష్టపడ్డారని తెలుస్తుంది. రాముల వారికి దీన్ని సమర్పించడానికి భారీ ట్రక్‌లో తీసుకొచ్చారు. ఆ తరువాత క్రైన్ సాయంతో దాన్ని మందిర నిర్వాహకులకు అప్పజెప్పారు. దీనికి సంబంధించిన వీడియో నెట్టింట్లో వైరల్‌గా మారింది.
చదవండి:MLA Raja Singh: రూ.500 నోట్లపై రాముడి ఫొటో ముద్రించాలి
